Sơn La phax tir thêir tsi chiê muôx tơưs cuz, têx tsi jông

Đros thiêz cxuô cấp ủy, tsưr tsix Đảng buôk ti chox car, hâu nov cxuô cấp ntơưv Sơn La têx sir jos, chor cơ quan, tsưr tsix thiêz tsôngv pêx xênhv tưz uô jông trơưk chei têz qơưk lok phax cuz tuô cuz thiêz chơưv paz lênhx nênhs tưz jux juk tâu gra siêz. Têx tơưs cuz, tsi jông hâur thax tsav tưz tâu phax tir thêir truôx jông. Hâur ntu 2015-2025, tas nro tỉnh Sơn La muôx 283 txuz tơưs cuz, txo grêk tsơưs 75 txuz pir li ntu 2005-2025.

Phôngz yaox tas nro tsôngv pêx xênhv sik đros phax cuz tuô cuz lơưr tsưr ziv “4 ntơưv qơư” tâu moz siêz txos; 100% jêx jok yênhx lix đội phar tir thêir têx tsi jông li heik sâuv, đros thiêz xav hur si muôx 2 cxênhz ntâu lênhx nênhs. 84% ntâu chuôz zis bax muôx tsơưs tsơưs iz luz thôngz tuô hluôr tơưk; 100% têx qơư tâu seiz car lok phax cuz tuô cuz taz por muôx txâuk cxuô zav chuôz zênhx uz no lok phax tuô hluôr tơưk txeik cuz...... Zơưv Hà Trung Chiến, Bí thư Thành ủy Sơn La heik pâuz:“Đhâu têx txuz tưz muôx yưv hâur chor đrôngs lox muôx txâuk cxuô zav xưk li TP Sơn La, pêz pov thiêz pâuz tsênhz, uô jông luôs hâux lưv phax cuz tuô cuz tsi tiêk taz por truôx tuk trâu lênhx nênhs txox siê thiêz pêx xênhv têx chuôz zênhx chuôz tav, tsênhv zos iz hâux lưv, cêr nênhx jông. 139 jok hâur thax tsav qơư nhiv no puôr lênhx muôx têx paz nênhs lês uô luôs hâux lưv co,  hâur ntơư muôx yax kriê trâu cxuô chuôz zis uô jông trơưk têx cui tinhv lok phax cuz tuô cuz”.

Iz chas ntơư têx hâux lưv uô tâu, thax tsav tox siêz no uô trơưk chei têz qơưk cui tinhv lok phax cuz tuô cuz cux tsênhv yuôr iz cxiê nuv uô tsi tâu truôx jông. Têx tơưs cuz cux tsênhv muôx yưv phiv liv, uô ruôr hiêv, tsi jông txos lênhx nênhs, ntâu chuôz zênhx chuôz tav. Pir si ntu 2005-2015, uô ruôr hiêv tas 42 tyv đeiv; chor nênhs trâus tuôs tsar ndê 6 lênhx; nênhs trâus saz tsar ndê 4 lênhx. Iz cxiê lênhx nênhs, pêx xênhv tsi moz siêz, tsi uô jông trơưk têx cui tinhv lok phax cuz tuô cuz thiêz chơưv paz lênhx nênhs..... Txix hâur shôngk shông 2025 txos nhiv no, hâur thax tsav tỉnh Sơn La tưz muôx 12 txuz hluôr tơưk txeik cuz tsêr, uô ruôr hiêv tas 11 tyv đeiv ntâu. Zơưv Trần Dũng Tiến, Phưv Giám đốc Sở Kôngz nuv thiêz tênhx qơư Sơn La heik pâuz:“Phiv liv hâur luôs hâux lưv phax cuz tuô cuz zos viv tsi muôx têx chei paz huv đros trâu chor nênhs uô hâux lưv phax cuz tuô cuz jôngr; nhiêx muôz trâu lênhx nênhs lês uô têx hâux lưv co tsênhv tsơưs, chênhr viv li cxơưz cxiz, hu zâuv tsi yuô tâu pêx xênhv đros phax tir thêir, tuô hluôr tơưk cuz jôngr. Iz chas ntơư, cux muôx tsi txâuk têx chuôz zênhx, triêv txuôk uz no phưx vưv uô hâux lưv tuô hluôr tơưk....”.

Trơưk li zơưv Lò Minh Hùng, Phưv Bí thư Thường trực Tỉnh ủy Sơn La, hâur ntu zuôr txos, Sơn La zuôr sir jos thiêz hlôngr yiêz tsênhv njiêz, tsưr ziv yax kriê chei têz qơưk têx cui tinhv, hâux lưv lok phax cuz tuô cuz thiêz chơưv paz lênhx nênhs; Tsi so qênhz shuôs, zênhx max cxiv kho, cxaz nzir ntâuz ntơưr chox car, fuô kriê lok phax cuz tuô cuz thiêz chơưv paz lênhx nênhs huv đros tsênhv tsênhz:“Phax tar thâuv tưs tưz zov chênhr, zos têx lênhx thơưx hâur cxuô cơ quan, taz viv thiêz sơưr đơưk hâux lưv. Sơn La zos iz tỉnh tsênhv txov nhêv, tỉnh nhiêx txiêx, T.Ư cêr paz tsênhv tsơưs, tsi txâuk trâu cxơưz paz cêr huôv tsar, hâur ntu zuôr txos, tỉnh zuôr tror moz siêz, bax jông cxuô zav chiê taz por muôx txâuk têx chuôz zênhx uz no phưx vưv luôs hâux lưv phax cuz tuô cuz”.

Hâu nov Tỉnh ủy Sơn La cux heik pâuz, ntơưv qơư zuôr moz siêz cxiv tsa, qênhz shuôs thiêz gra siêz chor lưv lươngv Cảnh sát phax cuz tuô cuz thiêz chơưv paz lênhx nênhs pênhr xưv, hâux lưv uô. Iz chas ntơư, qênhz shuôs, cxiv tsa têx lênhx nênhs lês uô luôs hâux lưv phax cuz tuô cuz ntơưv qơư, hâur thax tsav, qơư uô hâux lưv; muôx chei paz huv đros, trơưk cui tinhv chiê sơưr đơưk lês uô tâu jông đuô têx hâux lưv zok muôz./.

                                                                                                               Lê Hạnh-Riê Lâux cxeik, nhênhv