Txuôs tênhv: Hâux lưv uô mê, muôx liv lox

Zos canr bôv so lâul, pos Nguyễn Thị Hồng nhoz jok 3, phường Quyết Thắng, TP Sơn La heik, pos thiêz pos chuôz zis thâuv tưs tưz moz siêz, sox seiz njôngr têx mông cik txos sir zôngv tênhv truôx tuk thiêz txuôs tênhv. Thâuv niêx shông txos six hơưv, hnuz nhôngs sơưr đơưk sik đros txuôs tênhv, pos chuôz zis puôr lênhx uô jông trơưk txix: Tuô hur si têx chuôz zênhx tênhv hâur chuôz zis iz luz six hơưv. Pos lơưr seiz co zos zuk li txơưx jênhv, hâux lưv tsuv uô trâu xã hội, côngv thôngx thiêz tênhx qơư: “Tsi tiêk txuôs tênhv li heik sâuv, hâur xênhz huôx niêx hnuz, cur thâuv tưs tưz kriê chor tuz nhuôs tsuv sir zôngv tênhv cxênhx txuôs. Têx li heik no, trơưk cur, pêz tsuv kriê jux juk trâu sơưr đơưk chiê pâuz tsênhz. Thiêz thâuv cxuô lênhx sơưr đơưk tưz pâuz txuôs tênhv lơưv, thâuv co pêz zuôr uô tâu jông thiêz nthuôr đêz đar trâu luôs lưv tus pâuz txos, cơưv shâuv thiêz uô trơưk”.

Iz chas pos Hồng chuôz zis, tsênhv muôx lok six ntâu chuôz zis, cơ quan, doanh nghiệp....hâur thax tsav TP Sơn La cux tưz uô jông trơưk têx tsưr ziv txuôs tênhv. “Txuôs tênhv-Uô yênhx cêr cor cav” chênhr zos tsênhv njiêz hâur tas nro cxuô lênhx cxuô tus sik đros txuôs tênhv lơưr cui tinhv iz luz six hơưv shông no, chiê por hưv tênhx qơư trâu côngv thôngx. Pos Nguyễn Thị Đào, nhoz jok 6, phường Quyết Thắng, TP Sơn La heik: “Chor nênhs hâur chuôz zis cux pâuz txos sir zôngv tênhv truôx tuk, txuôs tênhv, chênhr viv li tsi tiêk txuôs tênhv trơưk li heik sâuv hâur iz luz six hơưv, cur chuôz zis tưz phênhz six hơưv uô têx hâux lưv huv đros, tsơưs sir zôngv têx chuôz zênhx tênhv lok luz six hơưv sơưr đơưk zôngv ntâu tênhv chiê tsi tas ntâu nhiêx tênhv cux li gra lok têx muôx liv trâu lênhx nênhs sir zôngv tênhv”.

Ntơưv xor xưv iz luz six hơưv sơưr đơưk sik đros txuôs tênhv hâur niêx shông, Công ty tênhv tênhz Sơn La tưz heik pêx xênhv sir zôngv tênhv, tuô têx chuôz zênhx tênhv tsi yuô zov chênhr, tsi zôngv txos hâur luz six hơưv trơưk li cui tinhv, paz đros côngv thôngx, sơưr đơưk txuôs tênhv, por hưv tênhx qơư thiêz phax tir thêir têx tsi jông tiv ntux uô.

Taz sik, txuôs tênhv tsi tiêk uô lơưr hâur iz luz six hơưv, tsênhv zuôr tsuv sir zôngv tênhv cxênhx txuôs hâur iz shông hur si, txix têx hâux lưv uô tsênhv tsênhz. Công ty tênhv tênhz Sơn La heik cxuô ziv chuôz zis, cơ quan, qơư uô hâux lưv tsuv xeir zuôr têx chuôz zênhx txuôs tênhv, pov cêr jông chiê chiv chir tuô tênhv thâuv tsi muôx nênhs nhoz ntơưv qơư, tsi zôngv txos hlôngr trâu chor chuôz zênhx, kê tênhz li thâuv ntêx.

Txuôs tênhv zos hâux lưv uô muôx liv, tsi tiêk paz txo grêk tsơưs pêx xênhv thiêz doanh nghiệp nhiêx txiêx thêv tênhv tênhz, tsênhv taz por truôx tuk tênhv, lok six zuôr trâus txos cxuô cấp, cxuô ngênhx, cxuô doanh nghiệp thiêz tas nro tsôngv pêx xênhv sik đros paz txuôs tênhv./.

Thanh Thủy-Riê Lâux cxeik, nhênhv