Iz cxiê tsưr ziv cxênhx txuôs tênhv hâur cơ quan

Lok tsưr ziv kỹ thuật, tiv iz đros chor tênhz tơưl pov cêr:

- Sir zôngv ntâu tiv zix têx pov cêr txix đrâuv jôngr lok.

- Sir zôngv kê tênhz compact thiêz kê tênhz huỳnh quang T5, T8 cxênhx txuôs tênhv. Đros kê tênhz huỳnh quang, tsuv hlôngr kror qơư lôngx kê tênhz txix kuôr hlâu trâu qơư lôngx điện tử.

Tiv 2, đros Cxiv luôs điều hòa nhiệt độ tsuv hlôngr cxiv luôs mêir điều hòa nhiệt độ kuz trâu mêir điều hòa nhiệt độ cxênhx txuôs tênhv. Tso jêx tưv mêir điều hòa txix 25-27 tưv. Thâuv tsik sor hênhr, tsuv sir zôngv mêir nxuôx chuô hlôngr trâu mêir điều hòa.

Đros chor mêir tinhr, mêir in, mêir fax:

- Tsik sir zôngv mêir tinhr, mêir in, mêir fax chiê uô zuk têx hâux lưv. Ro ciês hluô njiê tênhv têx mêir co thâuv tsik sir zôngv.

- Đros mêir vi tính, zos tsik zôngv hâur muôx 15 phênhz, tsuv muôz màn hình mêir tuô; zos tơưv muk đrâuv jôngr ntêr, tsuv muôz mêir tuô chiê cxênhx txuôs tênhv.

- Chiê luz mêir tinhr pov cêr cov huv đros, viv mêir ziv pov cêr ntâu mak ziv zôngv tas ntâu tênhv. Tsuv hlôngr đuô màm hình mêir tinhr CRT trâu màn hình mêir tinhr tinh thể lỏng (LCD), Viv màn hình CRT zôngv tênhv ntâu đuô.

Lok tsưr ziv sêiz car:

- Tuô tênhv tas nro cxuô zav chuôz zênhx thâuv tsik muôx nênhs hâur qơư uô hâux lưv.

- Ro tas nro chor chuôz zênhx têx hluô njiê tênhv lok sik tuô ciês cầu giao tênhv thâuv tsik muôx nênhs uô hâux lưv.

- Đros chor phongx kriz điều hòa mak tsuv cơư kror trôngx cov ntov, tsik chiê têx pa điều hòa tơưv tâu trâu đrâuv jôngr.

- Tuô mêir điều hòa nhiệt độ uô ntêx tas six hơưv uô hâux lưv txix 15-20 phênhz.

- Đros chor tênhz tơưl pov cêr đrâuv têx qơư muk lok, tsuv cui tênhv six hơưv tso, tuô huv đros trâu chêix ntux no lok zos chêix ntux sor.

- Cxiv tsa cui tênhv lok sir zôngv tênhv hâur cơ quan, chiê paz trâu hâux lưv cxênhx txuôs tênhv tâu uô truôx jông.

- Tsik so yax kriê trâu canr bôv, công chức cov pâuz tsênhz thiêz uô jông cxênhx txuôs tênhv./.

Hồng Việt-Lik Thox cxêik nhênhv