Sơn La: Uô jông ngaz tuk zoz thôngz jiês so ntênhk txi côngv Huôz têik Hùng thiêz jiês so ntênhk 30/4-1/5/2026

Tsôngv fôngx zưs sơưr đơưk hmor yuô! Hnuz 19/4/2026, Sở Cxiv tsa Sơn La muôx Công văn sôr 1915 lok sir jos uô jông ngaz tuk, ngaz tuk zoz thôngz hâur jiês so Ntenhk txix côngv huôz têik Hùng thiêz jiês so ntênhk 30/4-1/5 shông 2026. Sở Cxiv tsa Sơn La hêik têx taz viv cik txos lơưr zuk jênhv vưv uô jông iz cxiê tsênhv njiêz li đrav kaz:

Têx taz viv sêiz car, kho đuô chor cêr ar:

- Sir jos uô jông côngz xưv sêiz car, kho đuô chor cêr ar; sik côngv đros lưx lươngv muôx vax huôv tsưr tsix kriê trâu chor yêz muk lok cov huv zos thiêz ngaz tuk.

- Chuôz cxaz uô côngz xưv sêiz car, tsik so kho đuô chor cêr tâu choz.

- Sik côngv đros Qơư Sêiz car cêr ar I, Ủy ban têx xar, phường kriz uô côngz xưv ngaz tuk zoz thôngz, chơư paz, đơưk kho têx qơư muk lok tsik tâu sâuv txox cer lox 6 thiêz chor cêr muk lok sâuv thax tsav.

- Chor qơư tsar đrêk fuôx gox, muk lok sâuv đêx: Qênhz shuôk chor fuôx gox muk sâuv đêx, têx chuôz zênhx paz cov huôx tôngv tâu jông thiêz zuôr sir zôngv tâu ciês thâuv muôx hêik pâuz.

Têx taz viv kinh doanh vận tải:

- Chox kriê qơư sêiz car cxuô kror lok ngaz tuk zoz thôngz chuôz cxaz uô côngz xưv qênhz yuôx, sêiz kaz chor yêz, fuôx gox li huôx tôngv đhâu têx chuôz zênhx sêiz kaz muk lok, cxiv luôs camera sêiz kaz.

- Chuôz cxaz côngz xưv yax kriê, hêik trâu chor nênhs tsar yêz, nhân viên paz sâuv yêz sir jos uô jông têx hâux lưv, uô truôx jông lơưr chêi têz qơưk têx cui tênhv hâur hâux lưv vận tải.

- Bax cov txâuk chor yêz chiê thâux xa chor kruô chêix yêz muk lok.

- Muôx tsưr ziv paz jông trâu chor nênhs muôx luz nênhx txov nhêv, chuôz zis tâu têz qơưk pâuz, nênhs lâul, nênhs trâus sêv khiz luz chêr li: gri chêix yêz, qơư jâuv, six hơưv muk lok thiêz têx dịch vuv txơưr.

Têx taz viv sêiz car, sir zôngv qơư tsar đrêk yêz thâux xa kruô:

- Uô jông tsưr ziv chiê yêz muk lok trâu hâur qơư tsar đrêk cov ngaz tuk trâu chor yêz huôx tôngv; sik côngv jông đros chor lưx lươngv muôx vax huôv thiêz têx taz viv kinh doanh vận tải hâur côngz xưv qênhz yuôx chor yêz kinh doanh vận tải thâux xa kruô li muk lok, huôx tôngv hâur mror qơư no.

- Sik côngv jông đros têx taz viv vận tải kriz uô têx tsưur ziv muôs ntơưr chêix yêz, lo chiv gri cov sơưr đơưk pâuz tsênhz, paz zôngx ziv trâu pêx xênhv, tsik chiê muôx yưv ndê gri tsik zos li cui tênhv.

- Chuôz cxaz côngz xưv qênhz yuôx, qênhz shuôk jông chor yêz uô ntêx thâuv zuôr thâux kruô muk.

- Kriz uô kho đuô chor qơư đrêk yêz, uô jông vêv xênhz tênhv qơư li: bax cov txâuk qơư nhoz tok, tênhv qơư hur si, ngaz tuk; hêik chor qơư dịch vuv hâur qơư tsar đrêk yêz tsik ndê gri dịch vuv thiêz uô jông ngaz tuk zav nox.

- Uô jông hâux lưv yax kriê, hêik trâu chor nênhs tsar yêz, nhân viên paz sâuv yêz thiêz pêx xênhv pâuz lok chor chủ trương, tsưr ziv phưx vưv thiêz hêik pâuz têx kror tsik jông, uô cxâuv zos muôx chiê xưv lik; sik cônv truôx đros chor lưx lươngv muôx vax huôv chiê uô cov jông ngaz tuk.

Sở Cxiv tsa tỉnh Sơn La hêik têx taz viv sir jos kriz uô jông, cov paz uô tâu jông ngaz tuk, ngaz tuk zoz thôngz hâur jiês so Ntênhk txi côngv huôz têik Hùng thiêz jiês so ntênhk 30/4-1/5 shông 2026./.

Bích Thủy-Lik Thox cxêik nhênhv