Ntux yiêz lok txos thax tsav tox siêz ntus đriv Lai Châu

          Đhâu tsiêz Hmôngz, têx hnuz kaz shôngk shông no cxuô jêx jok Hà Nhì, nênhs La Hủ nhoz xã Thu Lũm, tỉnh Lai Châu ho shir phaz lus đros tsôngv pêx xênhv sơưr đơưk hâur tas nro têz qơưk bax tok tsiêz têz qơưk. Hâur têx hnuz no njiv li no nhoz tox siêz, sơưr đơưk luz nênhx xênhz huôx cux xưk li cxiê hnuz, têx lênhx mak cxiv kho tsêr, kênh tus ho luôx, suô têx têz kuôr đrox, têx tus kho đei qix têz qơưk....

            Uô lơưr Bộ Chính trị Nghị quyết 33 lok tsưx phưv ntus đriv têz qơưk, tsôngv box tâu xav tinhv zos zov chênhr, zos têx lênhx buôk ti đros tsưx phưv truôx têz qơưk. Thiêz nhoz thax tsav ntus đriv Lai Châu, têx li heik co tsi tiêk nhoz hâur ntâuz ntơưr, mak tsênhv pov cxuô jêx jok muôx cêr shir phaz, truôx tuk txix chênhr tsôngv pêx xênhv, txix têx luz tsêr yiêz đei qix têz qơưk liêz vok hơưv shông yiêz nhoz tox siêz. Tsôngv pêx xênhv nhoz ntus đriv nhiv no lok six zov chênhr, khav tinhv nhoz truôx têz qơưk, sik tưr huôv tsar uô nox uô hnar, cxơưz luz nênhx tsâu sor, vav mênhx. Tix lâus Sì Hu Pha, tsar jok Ló Na, xã Thu Lũm heik: “Thâuv tưs txos tsiêz 30, tuz lênhv Pênhz phax thiêz hâu nov ntơưv qơư puôr lênhx muk shuôs, muôz huv puz trâu têx chuôz zis txov nhêv. Têx poz huv co lok six muôx liv. Khov li ntơư, tsôngv px hâur jok tưz puôr lênhx muôx tsiêz nox sor si, shir phaz, lênhx tưs cux pov zuk tâu moz siêz txos, tâu paz”.

             Têx poz huv tsiêz, têx qix têz qơưk tâu muôz puz tsi tiêk muôx liv li ntơư, tsênhv uô trâu têx tuz lênhv thiêz tsôngv pêx xênhv nhoz ntus đriv muôx cêr thôngx siêz jông đuô. Ntơưv xã thu Lũm, zơưv Chu Xé Lù zos iz tus uô ntêx nyuôs hâur cxuô luôs hâux lưv, sik đros tsưx phưv truôx đriv têz. 20 shông đhâu, zơưv tưz đros qênhz shuôs njôngr thiêz tsưx phưv truôx 50 ntâu cêik cêr đriv têz, cê zos canr bôv ntơưv qơư, cê zos lênhx nênhs tâu chor tuz lênhv Pênhz phax njênhs njôngr thâuv qênhz yuôx, đros cxok têx ndêx kuôk cêv đriv têz, luôx cêr muk lol qênhz shuôs ntus đriv. Zơưv Chu Xé lù, nhoz jok Mé Gióng, xã Thu Lũm heik pâuz: “Tsưx phưv thax tsav ntus đriv zos tas nro tsôngv pêx xênhv hâux lưv. Zuk nhoz jê đriv têz mak ziv sir jos tsưx phưv jông đuô. Cur tưz yax kriê thiêz đros tsôngv niêv txir cưr tix nênhx tsa hâur xã muk luôx têx cêr chiê paz tuz lênhv zôngx ziv muk lol qênhz shuôs ntus đriv, cxok ndêx kuôk cêv đriv têz. Zos ntu tưs phiv liv muk lol mak sơưr đơưk siz paz krêz uô cêr mê lus muk đhâu chiê têx tuz lênhv muk lol tsi yuô txov nhêv”.

             Tsi hu, tsi siz zâuv uô đrông ntưk, pêx xênhv nhoz ntus đriv cux niêx hnuz uô jông luôs hâux lưv tsưx phưv truôx đriv têz. Txix têx hâux lưv uô jông hâur jêx jok, ntâu lênhx hluôk nênhs tưz xeir muk uô tuz lênhv Pênhz phax chiê đros tsưx phưv têz qơưk. Thiêz Đại úy Chu Hạ Pha, Zênhx Pênhz phax Ka Lăng zos iz hâur têx lênhx hluôk li heik sâuv: “Cur txix thâuv tsênhv zâu lok tưz tâu hnor cur txir heik txos têx tuz lênhv Pênhz phax; uô hâux lưv qênhz yuôx shuôs ntus đriv, tsưx phưv đriv têz, têx ndêx cxok kuôk cêv ntus đriv, cux li yax kriê, vênhv tôngv, taz por truôx tuk thax tsav qơư nhoz. Txix ntơư, cur tưz xar njôngr, hloz lox mak zuôr muk uô tuz lênhv pênhz phax, đros paz côngz đas jos tsưx phưv têz qơưk, ntus đriv hâur thax tsav qơư”.

            Têx lênhx tuz lênhv hluôk nhiv no zos qơư khov truôx, uô trơưk chor lâul thâuv ntêx cêr nênhx jông, yax kriê trâu luôs lưv tus pâuz txos, đros tsưx phưv truôx thax tsav ntus đriv Lai Châu. Lơưr têx lênhx hloz Ban seiz car tuz lênhv Pênhz phax Lai Châu, hâur thax tsav qơư tsưx phưv jông ntus đriv qir txix sơưr đơưk cêr sik thôngx siêz truôx, lar heik zos tsôngv box heir nênhs tsơưs ntơưv qơư nhoz. Đại tá Lê Công Thành, Phưv Chính ủy Ban seiz car Tuz lênhv Pênhz phax tỉnh Lai Châu khav tinhv: “Têx lênhx pêx xênhv nhoz ntus đriv zos qơư khov truôx chiê tsưx phưv jông đriv têz, têz qơưk. Chênhr zos li heik co, hâur têx shông đhâu, pêz txix ntâu faz tsưr ziv xar tơưv jông li: Fuô uô têx luôs hâux lưv paz pêx xênhv huôv tsar uô nox uô hnar, txo grêk yeiz pluôs, kriê pêx xênhv tsưr ziv uô nox, cxơưz luz nênhx hlôngr yiêz, huôv tsar. Txix ntơư, pêx xênhv tưz tso siêz nhoz truôx qơư chiê đros tuz lênhv tsưx phưv ntus đriv têz qơưk”.

            Tsiêz têz qơưk tsênhv txos jêx jux juk trâu cxuô jêx jok ntus đriv Lai Châu. Ntơưv têx jok nênhs Hà Nhì, La Hủ nhoz Thu Lũm, têx luz tsêr yiêz txos trâu đei qix têz qơưk yiêz khir, cêr muk lol qênhz yuôx đriv têz muôx tuz lênhv thiêz pêx xênhv sik thôngx siêz đros qênhz shuôs niêx hnuz. Txix têx qix têz qơưk đei liêz vok trâu cxuô luz tsêr, đriv têz tâu tsưx phưv truôx tsi tiêk zos ndêx poz jêz, mak zos cêr njênhs njôngr thiêz pêx xênhv sik thôngx siêz jông. Chiê pêx xênhv xưk têx ndêx cxok khor, jêx jok zos qơư truôx, tsưx phưv cheix ntux yiêz nhoz ntus đriv truôx tuk, tsi muôx cuz nxor./.

Khắc Kiên-Riê Lâux cxeik, nhênhv