Biên phôngx sik côngv jông nhoz ntus đriv Lai Châu

Nhoz xã Phong Thổ, tỉnh Lai Châu, tsôngv box jos Pô Tô (VN) thiêz jos Cửa Cải (huyện Kim Bình, tỉnh Vân Nam, Trung Quốc) muôx cêr coaz siv jông txix ntâu shông lok no. Txix shông 2014, 2 jos sik tuôv cêr fôngx zưs, txix co txos nhiv no tưz krêz tơưv ntâu huôx tôngv sik côngv, sik paz max huôv tsar uô nox, tuôr jông cêr vênhx huôv jông. Zơưv Dủ Xênhv Zax, Bí thư Chi bộ jos Pô Tô pheiz kênh: “Pox nhuôk 2 jêx jos nhoz 2 saz ntus đriv yax six thôngz xor mông, cơưv shâuv chênhz zênhv lok huôv tsar uô xênhz yar kôngz nuv, nriêr pâuz lok zuz nôngz tsoz chos, tsiêx tu zus. Pox nhuôk 2 jêx jos tưz sik đros muôv muôs hax huv tâu jông đuô”.

          Lơưr chính quyênx xã Phong Thổ, thâuv sik tuôv cêr fôngx zưs jông, jos Pô Tô li kinh têr muôx têx hlôngr yiêz jông. Phênhv sâu fênhx pheiz tax 26 tsov đeiv iz lênhx nênhs iz shông, sơưr thơưx nhoz tiv phaz nhiv no. Zơưv Hoàng A Dọ, Chủ tịch MTTQ xã Phong Thổ puz pâuz: “Saz tiv uz zos trấn Kim Thủy Hà zâuv chính quyênx tiv phaz cux xưk li tsôngv box jos Pô Tô muk sik njiz, cơưv shâuv iz cxiê chênhz zênhv lok tsêz chos. Ntu zuôr txos tỉnh li chủ trương tưz thôngx ziv muôx ntênhs phêv Then Kin Pang ntơưv huyện Kim Bình thiêz tsôngv box Pô Tô zuôr muk cxaz chuôz seiz shuôk”.

          Đros muôx cấp ủy, chính quyênx, cán bộ Zênhx pênhz phax Huổi Luông li sir jos đros pox nhuôk 2 saz ntus đriv li sik côngv jông. Trung úy Cao Đức Dương, Tuêv tsar Tuêv vênhv tôngv tsôngv box puz pâuz, trâur nuv sik côngv tưz paz chiê tsôngv box 2 têz qơưk tâu sik côngv siêz jông đuô: “Tuêv vênhv tôngv tsôngv box pêz yax six heik kriê, thix ziv đros Đảng ủy, Ban chỉ huiz taz viv krêz uô trơưk njiêz luv mak hâur jos cam kết 2 saz tưz cir. Pêz yax six thix ziv, tuôr jông cêr coaz siv 2 jêx jos nhoz 2 saz ntus đriv, taz por côngz xưv por vêv tsưr qênhx txiv ngaz ntus đriv têz qơưk”.

          Khov sik côngv siêz jông, shông 2017, thax tsav Pô Tô- Cửa Cải tâu xeir zos qơư tsưr tsix sik côngv jông côx phax ntus đriv VN-Trung Quốc jiês tiv 4. No zos têx tsênhv tsênhz tso pov cêr sik côngv siêz jông hâur chính quyênx thiêz tsôngv box 2 têz qơưk.

          Tsi taz nhoz Huổi Luông, côngz xưv đối ngoại pênhz phax tsênhv tâu tso pov tsênhz ntơưv Zênhx pênhz phax trôngx đriv Ma Lù Thàng- qơư muôx pưs txux zov chênhr hâur seiz car hâux lưv muk lok đhâu ntus đriv , qơư zôngx ziv muôx yưv hâux lưv nhiês muôv muôs hax huv tsi trơưk chei. Taz sik đros chinhz yênhx txơưx jênhv, cán bộ chiến sĩ nhoz no tưz uô tiêr jông cxuô jênhv vưv, tâu tsôngv box njênhs njôngr txos.

          Txix hâur shôngk shông 2025 txos nhiv no, Trạm seiz car pênhz phax trôngx đriv Ma Lù Thàng tưz uô ntâuz ntơưr trâu yênhx châuv cxênhz jiês lênhx nênhs thiêz yêz thâux hax huv muk lok đhâu; 15 cxênhz ntâu tênhr hax huv tâu zuôr đhâu trôngx đriv tâu seiz car jông.

          Đros côngz xưv seiz car trôngx đriv, Zênhx pênhz phax Ma Lù Thàng chuôz tsar têx huôx tôngv sik njiz, đối ngoại đros lưx lươngv muôx txơưx jênhv Trung quốc. Têx jiês sik thav, sik đros muk qênhz yuôx tưz paz yưr lir muôx chêx cuk têx vênhv thix muôx yưv, tuôr truôx txiv ngaz chính trị thax tsav ntus đriv. Thượng tá Quản Anh Tuấn, Zênhx tsar Zênhx pênhz phax trôngx đriv Ma Lù Thàng puz pâuz: “Pêz yax six tuôr truôx thôngz xor mông đros têx lưx lươngv por vêv ntus đriv nhoz saz Trung Quốc, yax six heik sĩ quan muk sik thav đros Trạm seiz car pênhz phax Kim Thủy Hà. Thâuv muôx jênhv vưv ciêr chênhr thor ziv chênhv thiêz sik seiz lax đros saz Trung Quốc chiê car chêx têx hâux lưv muôx yưv nhoz tiv phaz. Yênhx quý, zênhx pênhz phax trôngx đriv Ma Lù Thàng đros têx zênhx pênhz phax tsưr tsix sik thav, ntâuk grê chêx cuk côngz xưv sik côngv hâur seiz car huôx tôngv muk lok, zuôr muôs hax huv nhoz thax tsav ntus đriv”.

          Têx jiês sik đros muk qênhz yuôx ntus đriv, têx jiês sik thav hâur yênhx hli đros thiêz cêr sik côngv siêz jông hâur têx thax tsav qơư tsôngv box nhoz uô nênhx nhoz 2 saz ntus đriv tưz paz por vêv truôx tul cêr ntus đriv têz qơưk, chuôz tsar sik hux jos thiêz huôv tsar..../.

Khắc Kiên-Txâur Vax cxeik nhênhv