Phênhv 4:  KRIÊ KHƠƯK SÂU POR TSÊS TÊX HNAZ, HƯX YUÔX POR VÊV ĐROX TSUÔS ĐHÂU ZÔNGV TAS

Nhạc cắt

Hlôngr suôz: Uô luôs hâux lưv sâu, khơưk por tsês têx hnaz, hưx yuôx tuô đrox, tuô caz hmoz shông 2016, Chi cục tsêz chos thiêz por têx đrox tsuôs cxiv uô 14 qơư trâu têx hnaz, hưx yuôx tuô đrox, tuô caz hmoz đhâu zôngv tas ntơưv 14 jok hâur xã Chiềng Đen, iz qơư trâu li co ntiv tâu nhos 70 cir têx hnaz thiêz hưx yuôx trâu têx yuôx  heik sâuv. Shông 2017, Chi cục tsêz chos thiêz por hưv đrox tsuôs tror fuô kriê cxiv uô 103 qơư trâu têx hnaz thiêz hưx yuôx co ntơưv 7 huyện, TP muôx xã uô tâu luôs hâux lưv cxiv tsa jêx jok yiêz txix têx nhiêx cxiv tsa jêx jok yiêz. Taz sik têx qơư heik co cux tsuôk txâul tâu trâu iz phênhv tsơưs zoz qơưx lok sâu, khơưk por tsês têx hnaz, hưx yuôx ntơư hâur thax tsav tỉnh. Iz chas co ntơưv iz cxiê Công ty, hợp tác xã cux tưz muôx qơư trâu taz sik têx qơư ntơư tsênhv tsi tâu taz por trơưk li cui tinhv, têx hnaz thiêz hưx yuôx đhâu thâuv tsôngv box zôngv tas nhoz iz cxiê thax tsav qơư tsênhv muôz por tsês chuôs tsi ntơưv têx liêx têz. Trơưk li cui tinhv, zoz qơưx lok sâuv qơư trâu têx hnaz thiêz hưx yuôx ntơư hâur thax tsav tỉnh Sơn La njuôk xav zuôr trâus txol nhos 10 cxênhz, 15 cxênhz qơư thiêz.

Nhạc cắt

Hlôngr suôz: Đêx anr seiz car, sâu thiêz khơưk por tsês têx hnaz, hưx trâu yuôx tuô đrox, caz hmoz uz no đhâu zôngv tas hâur tỉnh Sơn la ntu 2018-2020 muôx hâux lưv:

Cxiv uô têx cui tinhv, tsênhv chei paz trâu hâux lưv sâu, khơưk por tsês têx hnaz, hưx yuôx heik sâuv đhâu zôngv tas.

-Tsưr tsix uô jông Chính phủ,  têx Bộ, ngênhx têx tsênhv chei lok paz trâu hâux lưv sâu, khơưk por tsês têx hnaz, hưx  trâu chor yuôx heik co.

-Tso tơưv iz cxiê cui tinhv, tsênhv chei paz lok sâuv cxiv qơư trâu thiêz hlơưr por tsês têx hnaz, hưx yuôx heik co hâur thax tsav tỉnh.

Tsưr tsix sâu, khơưk por tsês têx hnaz, hưx trâu têx yuôx tuô đrox, tuô caz hmoz uz no...đhâu zôngv tas, muôx:

-Phuôx tôngv phôngz yaox sâu, khơưk por tsês têx hnaz, hưx yuôx co ntơưv cxuô thax tsav qơư, thiêz luôs hâux lưv uô co tsuv tâu uô tsi so, tsôngv box đhâu zôngv tas muôx txơưx jênhv sâu, khơưk têx hnaz thiêz hưx yuôx tso trâu hâur têx qơư trâu tưz muôx hâu vor ntơư.

-Đhâu thâuv têx qơư trâu co tưz pur tas tâu sâu thiêz muôz tso trâu hâur têx luz hnaz ntuôz thiêz khor truôx tsi chiê txênhx, cxênhv, đhâu ntơư thâux muk por tsês thiêz xưv lik têx vuôz tsuôz co trơưk đreiv li cui tinhv.

-Zoz qơưx hâur sâu, khơưk tsês thiêz thâux, por hưv têx kiêk nênhs, vuôz tsuôz:

Thâuv sâu, khơưk thiêz thâux, por hưv têx kiêk nênhs co tsuv muôx ntâuz bos kror ndâux trơưk cui tinhv, muôx khâu trax, lôngx têk, tsôngk tril yo, câuk mov, tsov kror muôs, hưx yuôx y tế....

Têx thôngz thiêz hnaz tsax khênhr zôngv chiê trâu têx hnaz thiêz hưx trâus lo yuôx.

Hâux lưv sâu thiêz khơưk têx hnaz, hưx yuôx co zos têl khơưk sâu, muôz tso trâu hâur hnaz tsax lok zos hnaz sênhr (8-10 cir iz hnaz tsax) thiêz muôz xơưs, khi khor taz por ngaz tuk thâuv thâux muk por tsês.

6 luz hlik khơưk sâu iz jâuk ntơưv têx qơư trâu chiê xưv lik, hlơưr por tsês./.

(Bích Thủy-Riê Lâux cxeik, nhênhv)