Phênhv “Pêx xênhv zuôr tsuv pâuz”  hnuz xiêz 1/12/2015

Tsưr ziv gra siêz tsơưr lươngv kê trâu kêz ntês kê

Fênhx six, kêiz zuôr hlôngr plâuz tas hur si đhâu iz jiês ntês kê (muôx 80 ciêz hnuz nhôngs0. thâuv kêiz hlôngr plâuz, chor kê zuôr trấu stxo grêk, viv li, kêiz tuôr chiê tâu chor plâuz hâur tas nro six hơưv ntês kê mak zuôr paz ntês kê muôx tsơưs lươngv đuô.

Têx kror tsuv pâuz chiê truz ntêr six hơưv ntês kê trâu kêiz:

- Nôngz: Tsuv xêir chor kêiz ntês kê ntâu thiêz sưv đros qiv hơưv thax tsav zuk tu zus.

- Chôr kêiz zus: Zus kêiz cov txâuk thax tsav nênhs tu zus li tsar tov tu zus thiêz sêiz shuôk.

- Tsơưr pưr hâur ntu kêiz zâu thiêz kêiz zuôr muôx jês ntês kê: Thâuv muôx 12 ciêz hnuz nhôngs mak kêiz luz chêr tưz muôx cxix cxuô kror, viv li tsuv muôz trâu kêiz nox ntâu zav nox tsơưr khoangr, đạm, sik tsik chiê kêiz tros hênhr lok sik zuôs hênhr.

- Tsơưr pưr hâur ntu kêiz ntês kê: tsơưr pưr cxix cxuô thiêz huv đros zuôr paz trâu kêiz ntêx cê jông siz luôs.

Đuô li, tsuv uô cov tsêr guôx hur si lax nziês, sir zôngv têx tsưr ziv phax tar moz huv đros.

Lok truz ntêr kêiz li six hơưv ntês kê tsuv tâu bax txix ciês thâuv kêiz tsênhv zâu txos trâu tas nro ntu ntês kê. Cxuô zav kêiz li tsơưr lươngv tsuôk jông thâuv tâu tu zus hâur tsar tov nox hâuk huv đros, thiêz huv tênhv qơư, tsêr guôx…

Xar cov kêiz zus ntês kê hlôngr plâuz sêi mak tsuv tsov cưv: Txo grêk six hơưv tơưl tênhz chis pov cêr txos yuôr 8-10 six hơưv iz hnuz. Hnuz tiv 1-2: tsik muôz trâu kêiz nox hâuk tuk đaz tsi hlo. Hnuz tiv 3-9: muôz trâu iz tuk kêiz nox 40-50g zav nox iz hnuz thiêz muôx đêx trâu kêiz hâuk. ; hnuz lơưr co ho tsik muôz trâu kêiz nox hêuk. Hnuz tiv 11-60:  muôz trâu iz tuk kêiz nox iz hnuz txix 70-80g zav nox thiêz muôz đêx trâu kêiz hâuk kêiz. Txix hnuz tiv 61 tror muk, muôz trâu kêiz nox hâuk thiêz chuôz ndê six hơưv tơưl tênhz chis pov cêr muôx 14-16 six hơưv iz hnuz.

Tsuv tsov cưv: Tsuv cxaz yuôx phax têx zav moz uô ntêx thâuv zuôr uô tsưr ziv hlôngr plâuz 1-2 ciêz./.

              (Thanh Thủy-Lik Thox cxêik nênhv)