Tsov cưv pênhr jos, nthuôr đêz đar cêr paz trâu têx nhuôs zâu Điện Biên

              Qơư por hưv, tsoz phưz têx nhuôs zâu tsi muôx qơư khov vav thiêz chor nênhs muôx luz nênhx txov nhêv (Cơ sở Bảo trợ xã hội) tỉnh Điện Biên nhiv no tsênhv zos zuôr xar 70 lênhx nhuôs zâu muôx luz nênhx tsi jông xưk luôs lưv tus li: Trâus niêv txir tso tsês lok sik nhuôv njuôs tsi muôx qơư khov vav, lok sik mê nhuôv muôx niêv txir trâus nhoz cêr cxâuv, tsi muôx nênhs tu li qơư nhoz uô nênhx, xênhz huôx.

               Nhoz no, chor nhuôs tsi tiêk tâu paz cxix cxuô lơưr chei têz qơưk cui tinhv, tsênhv tâu tu jông, txoz cxơưx iz pluôk nox jux juk txos trâu xênhz huôx muk lol, cơưv ntâuz ntơưr, cêr uô nênhx hur si. Txix chor canr bôv hâur qơư co cêr hluz thiêz choz kriê uô nênhx jông, tsiv txiêx, têx nhuôs heik sâuv tsênhv jux juk hloz lox hâur iz qơư truôx tuk, tsâu sor, muôx cêr hluz cêr paz. Lênhx nhuôv Xaz Xênhv Vax, nhoz hâur qơư Bảo trợ xã hội tỉnh Điện Biên heik. “Chor fâux lơưr txoz cxơưx trâu cur thiêz uô jâuz mor trâu pêz nox, tso pêz muk cơưv ntơưr. Cur lok six jông siêz thâuv tâu nhoz hâur no, tâu têx lênhx fâux moz siêz txoz cxơưx trâu pêz hâur yênhx hnuz”.

              Hâur têx shông đhâu, luôs hâux lưv txoz cxơưx, por hưv nhuôs zâu muôx luz nênhx txov nhêv ntơưv tỉnh Điện Biên thâuv tưs tưz tâu cxuô cấp bộ Đoanx fuô uô truôx jông. Ntâu tsaz yênhx, phôngz yaox muôx liv tưz nthuôr uô đêz đar, lar heik li: Cxiv vênhv tôngv “viv têx nhuôs zâu” lok sik tsaz yênhx “cxơưz paz đas jos trâu têx nhuôs muk tsêr cơưv, cơưv txux chi”, đhâu ntơư tưz paz yênhx cxênhz lênhx shux xênhz muôx luz nênhx txov nhêv sir jos hâur cêr cơưv ntâuz ntơưr. Đros trâu têx li heik co, cxuô luôs hâux lưv đros paz cxơưz chor nhuôs zâu cơưv txux chi, cêr uô nênhx jông cux tâu moz siêz txos, chiê muôz jông six hơưv trâu chor nhuôs zâu huôv tsar, hloz lox yênhx nênhs tsiv txiêx, muôx liv trâu xã hội. Niêv lâul Kháng Mai thu, Phưv Bí thư Tỉnh đoanx Điện Biên heik. “Ciês shông cơưv 2024-2025, Đoanx-đội cxuô cấp hâur thax tsav tỉnh tưz muôz 3 cxênhz ntâu poz huv puz trâu chor nhuôs zâu muôx luz nênhx txov nhêv”.

                Hâur thax tsav tỉnh Điện Biên nhiv no muôx 190 cxênhz ntâu lênhx nhuôs zâu, hâur co 6 cxênhz ntâu lênhx muôx luz nênhx lok six txov nhêv thiêz zuôr xar 80 cxênhz lênhx nhuôs zôngx ziv trâus njiz cêr txov. Txix têx li heik co, ntâu tsưr tsix, lênhx nênhs tưz bax fuô uô têx hâux lưv tsênhv tsênhz chiê paz chor nhuôs jux juk hla đhâu phiv liv, muôx luz nênhx xưk luôs lưv tus, têx fôngx zưs đros iz fâuv. Chor hâux lưv paz ntơư ziv hnuz ziv nthuôr uô ntâu thiêz jông, txix paz xã hội, paz thêv nhiêx cơưv ntơưr, muôz học bổng, seiz njuôk shuôs, fêis kho têx moz thâuv tsênhv hâur đruôz thiêz tsi zuôr nhiêx, txos trâu cxiv uô qơư uô si, xênhz huôx truôx tuk trâu têx nhuôs. Zơưv Đặng Văn Bài, seiz car thax tsav Bắc 1-Tsưr tsix huôv tsar têx muôx jông sâuv ntiêx têz ntơưv Việt Nam heik pâuz: Txix shông 2024 txos nhiv no, Cuiv nhiêx por hưv nhuôs zâu Việt Nam tưz muôz 620 ntâu poz học bổng thiêz 500 poz huv puz trâu chor nhuôs zâu muôx luz nênhx lok six txov nhêv hâur thax tsav tỉnh Điện Biên, paz cxơưz đas jos trâu têx tuz nhuôs muk cơưv txux chi, chiê muôx luz nênhx jông đuô hâur ntu zuôr txos. “Ntu shông 2022-2027, Tsưr tsix heik sâuv chos luk paz max 12 tsov ntâu đô la, chiê paz uô têx hâux lưv gra siêz, hlôngr yiêz, tsưx phưv truôx tuk trâu nhuôs zâu, lar heik zos chor nhuôs zôngx ziv trâus njiz cêr txov. Nhoz tox siêz, têx nhuôs li heik co lok six chôngz, chênhr viv li tsưr tsix zuôr tsês ntâu pênhr jos thiêz moz siêz txos đuô chor nhuôs zâu hâur ntu zuôr txos”.

                Khov cxuô cấp, cxuô ngênhx cêr moz siêz txos thiêz tas nro xã hội sik đros paz, yênhx cxênhz lênhx nhuôs zâu nhoz Điện Biên, lar heik zos têx nhuôs zâu muôx luz nênhx lok six txov nhêv tưz thiêz tsênhv tâu muk đros luôs lưv tus cơưv txux chi, uô si lov jêv hâur tênhx qơư truôx tuk, muôx cêr hluz, cêr paz. Co chênhr zos qơư khov, qơư chuôz jos cxơưz paz têx nhuôs sir jos hla đhâu phiv liv, cêr txov chiê muôx luz nênhx chi cax đuô hâur ntu zuôr txos./.

Vũ Lợi-Riê Lâux cxeik, nhênhv

Sik côngv đros cxuô thax tsav-cxơưz cxiz paz trâu tox siêz faz Bắc tâu muôv muôs đêz đar

          Hâux lưv “cxơưz tiês sik côngv têx thax tsav hâur huôv tsar muôv muôs điện tử, muôz siêz xiv huv thax tsav tox siêz faz Bắc shông 2025” zos UB tỉnh Lai Châu sik côngv đros Bộ công thương tsưr tsix hnuz 24/5 nhiv kruôr đhâu muôx 10 Sở công thương hlôngr njêx muôk têx tỉnh thax tsav tox siêz faz Bắc; đros ntâu doanh nghiệp, HTX thiêz têx sàn muôv muôs điện tử lox txix Tik Tok Shop, Shopee....cxaz chuôz. Tsưr ziv zos chiê nriêr tsưr ziv chox têx tiv phaz li xiv huv tâu muôv muôs đêz đar thôngz đhâu nền tảng số. Hâur co muôx jiês cir kết ntâuz ntơưr sik hux jos hâur têx doanh nghiệp muôv muôs điện tử jông thiêz Sở công thương 10 tỉnh hâur thax tsav. Hâux lưv no tâu njênhs njôngr zuôr paz krêz đar niêv ciêz sâu zuôr, chuôz tsar tsiv grê xiv huv tox siêz li yuôx zêx Shan tuyết, jiz mur, txir hơưk lok sik têx zav yuôx njuôz muôx tsiv grê. Zơưv Hà Tiến Dũng, Chủ tịch HĐ quản trị Công ty Tây Bắc TV ntơưv Lai Châu pheiz kênh: “Cur njênhs njôngr tsaz yênhx no zuôr paz têx doanh nghiệp muôx cxaz đas jos, lênhx nênhs chiê pêz tâu thox cxov jông đuô;  uô ntêx zos lênhx nênhs hâur công ty zuôr uô jông đuô hâux lưv muôv muôs xiv huv kôngz nuv, tiv zix zos zuk li xiv huv. Thiêz thôngz đhâu co pêz zuôr paz cxaz pox nhuôk nhoz tox siêz chiê lơưr muôv muôs online txix zuk li điện thoại đros zuk li xiv huv”

          Qơư piêr muôs têx xiv huv nto bê nhoz tox siêz zos qơư zaz zâuv chôngz lênhx nênhs tuôx ndis seiz. 50 ntâu qơư piêr muôs đros yênhx puôk xiv huv tsi taz tâu ntâuk grê muôx tsơưr lươngv jông mak tsênhv tâu seiz zos jông thiêz kaz. Hâur co qơư muôs Mega Livestream- qơư têx doanh nghiệp thiêz tsôngv box tiv phaz cxeik đuôz heik kriê xiv huv txos yênhx cxênhz lênhx nênhs sir zôngv sâuv têx nền tảng số tưz chox lok têx hlôngr yiêz jông hâur jiês no. Niêv lâuk Đặng Thị Thơ nhoz huyện Hữu Lũng, tỉnh Lạng Sơn pheiz kênh: “Tuôx txos Lai Châu hnuz no cur gra 2 xiv huv, hâur co muôx Lạng Sơn li zav nox greix tsơưs thiêz thạch đuz. Cur zos nôngx mênhx, xuv huv zuk uô mak zuk pâuz tsênhv tsơưr lươngv, chiê heik kriê zuk têx xiv huv, zuk khênhr chiv chir nriêr pâuz sâuv sàn muôv muôs điện tử. Tsuôk zuôr muôx 1 luz điện thoại, tas nro Lạng Sơn li têx xiv huv puôr lênhx tâu muôs sâuv kênh TikTok, Facebook, Shopee...”.

          Hâux lưv “cxơưz tiês sik côngv thax tsav haur huôv tsar muôv muôs điện tử, muôz siêz xiv huv thax tsav tox siêz faz Bắc shông 2025” ntơưv Lai Châu tsi taz zos luôk hâux lưv coaz tsôngv hâur số hóa xiv huv tox siêz, mak tsênhv tso pov đas jos thâuv sik côngv thax tsav thiêz zôngv ứng dụng công nghệ số hâur huôv tsar kinh têr tiv phaz.

          Thâuv têx xiv huv kôngz nuv tâu chox muôs sâuv sàn muôv muôs điện tử, cux zos thâuv tsôngv box mênhx cxưx tox siêz li tsiv grê vênhx huôv,   siêz xar tơưv thiêz đas jos lox tôngv tâu ntâu qơư pâuz txos thiêz truôx tul đuô./.

                                                                     Khắc Kiên-Txâur Vax cxeik nhênhv