Tsaz yênhx nta suôz luk Hmôngz hnuz 29-4-2025
Thứ ba, 15:20, 29/04/2025 CT Mông CT Mông
VOV4
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Ndo njôngr thâuv chor shông tir ntâuk tros châuz nhoz faz Nam

Hnaz balo, chor tuz lênhv êv thâuv ntêx-têx chuôz zênhx mê taz sik muôx ntâu cêr chiv nhênhv cơưk. Têx shông, hnuz nhôngs trir ntâuk tros châuz thâuv ntêx nhoz faz Nam thâuv tưs tưz nhoz đreiv hâur lênhx tuz lênhv lâul Kiều Việt Đường, nhoz jok Phú Thịnh 1, thị trấn Phố Lu, huyện Bảo Thắng, tỉnh Lào Cai đruôz siêz tsi plox.

Sơưr cêr muk uô tuz lênhv shông 1968, thâuv nhiv kruôr txưv 18 shông, zơưv Đường buôk ti tir ntâuk tros châuz tsav Đông Bắc Sài Gòn-qơư muôx tros châuz ntâu đoanx tuz tros lox. Thâuv co tros châuz tir ntâuk hênhr cơưk, tưz uô zơưv Trung đoanx iz đraz ntâu tuz lênhv tâu tas siv nênhx uô ntêx thâuv zuôr grêk trâu Sài Gòn. Muôx têx shông 1973, hâur zơưv Đường vax tsêr tsênhv txeik tâu ntơưr heik pâuz lol zơưv Đường tưz tâu tas siv nênhx. Zơưv tror ndo đuô: “Thâuv ntêx tsi muôx lênhx tưs xar thiêz hluz txos zuk li, tsuôk pâuz tiêk tsênhv muôx txox siê nhoz mak tsênhv tir ntâuk tros châuz. Muôx têx iz paz tuz lênhv yuôr 2 -3 lênhx xưz. Thâuv tưs tros châuz gâuv, thiv mê njik mak jông siêz, shir phaz hênhr”.

Zơưv Hoàng Duy Xuyên nhoz jok 21, phường Bắc Cường, TP Lào Cai đeiv đuôz tâu cxeik ntơưv yar yêz za Tân Sơn Nhất ndax hnuz 30/4/1975. Co zos iz đeiv đuôz muôx grik tâu zơưv Xuyên por hưv, khơưk tsês jông hâur 50 shông đhâu. Hok têx njiêz luk, pax huôv no tâu zơưv xar tơưv, cxiv sâu lok iz ntuk tir ntâuk tros châuz phiv liv, txov nhêv njuôr taz sik muôx ntâu cêr shir phaz: “Xênhz zus trâu thâuv ntu têz qơưk tsi tiêx tsi tuk/ Mnôngs trơưk Đảng luk hu pêz sơưr cêr/ Txix ntơư tso têx nênhs cxênhz jê, vax tsêr tsês/ Sik đros muk trâu qơư tir ntâuk tros châuz faz Nam”.

Tưz muôx jiês tâu tir ntâuk 21 tsav tros, 4 jâuk trâus moz, zơưv Xuyên thâuv tưs tưz pov zuk zos lênhx hmôngr jông thâuv tâu tror lok tsêr, viv tsi pâuz pêk tsơưs lênhx tuz lênhv đros zơưv uô cê tưz tâu tas siv nênhx nhoz qơư tsav tros. Têx luk chos trâu Đảng, trâu têz qơưk uô ntêx hnuz zuôr sơưr cêr muk uô tuz lênhv tưz paz cxơưz nzir đas jos chiê chor tuz lênhv sir jos hla đhâu phiv liv, cêr txov tir ntâuk tros châuz, tsưx phưv têz qơưk: “Hâux lưv têz qơưk trâu chor hluôk nênhs zos sơưr cêr muk uô tuz lênhv, tsưx phưv têz qơưk. Tâu Đảng, têz qơưk kruôs txos, muôz luz côngz bê zuk zos lênhx tuz lênhv Lâul Hôx. Tưz tâu cơưv Lâul Hôx têx tsưr ziv, cêr uô nênhx jông viv li thâuv tưs cux sir jos cơưv shâuv, uô trơưk Lâul Hôx. Chênhr zos li heik co, txơưv grêix pôngz, nyar đros pêz cux jông siêz”.

Iz hnuz lâul thiêz tsi muôx đas jos jux juk taz sik têx cêr chiv nhênhv lok chor hnuz nhôngs tir ntâuk tros châuz thâuv ntêx cux tsênhv nhoz đreiv hâur têx lênhx tuz lênhv lâul đruôz siêz tsi plox. Thâuv tưs txos chiv nhênhv hnuz têz qơưk thax zênhz, lơưr ho tror ndo txos têx hnuz nhôngs, cêr chiv nhênhv đrav ntêx sơưr đơưk sir jos tir ntâuk tros châuz, tsưx phưv têz qơưk tiêx tuk ntơư. Tror piêr txos thâuv hnuz hnor Đeix nta suôz Việt Nam xa mông, têz qơưk tir ntâuk zênhx tros châuz, zơưv Kiều Việt Đường shir phaz heik li no: “Muôx luz đeix, 2 luz trox, chính trị viên êv thiêz krêz mnôngs. Chính trị viên hu đror lê tiêk, tir ntâuk zênhx tros châuz lôx, tir ntâuk zênhx tros châuz lơưv lak, Dương Văn Minh trâus sưz lơưv, thâuv co pêz sơưr đơưk jông siêz, shir phaz hênhr”.

Uô tuz lênhv tror lok tsêr, lok hâur thax tsav qơư, lênhx tuz lênhv têx chuôz zênhx zos tsôngk tril yo, hnaz êv tir ntâuk tros châuz thâuv ntêx thiêz iz cxiê zav chuôz zênhx uz no phưx vưv luz nênhx xênhz huôx niêx hnuz đros trâu têx cêr trâus moz trâus, cêr chiv nhênhv ndo njôngr chiê hâur đruôz siêz tsi plox. Taz sik, lar heik hâur co muôx cêr shir phaz, jông siêz tâu chuôs njiz chor nênhs  cxênhz jê, chuôz zis, tâu đros sơưr đơưk nhoz uô nênhx, tror paz côngz đas jos cxiv tsa thax tsav qơư nhoz ziv hnuz ziv huôv tsar truôx jông./.

CTVVOVTB-Riê Lâux cxeik, nhênhv      

 

Văn Yên (Yên Bái) sir jos por vêv jôngr hâur têx hnuz muôx yar ntux cuz sor

Chiê chuôz cxaz txơưx jênhv thiêz muôx tas nro côngv thôngx đros uô, Hạt Kiểm lâm huyện Văn Yên, tỉnh Yên Bái tưz sik côngv đros chinhr quyền cxuô thax tsav qơư tsưr tsix trâu pêx xênhv cir jênhv choz zok, por vêv muôx 37.600 ntâu héc ta jôngr ntơưv thax tsav 21 xar; cir jênhv phax cuz, tuô cuz thiêz por vêv jôngr trâu 3.000 ntâu ziv chuôz zis uô nênhx nhoz jê jôngr.

Ntơưv thax tsav chor xar, huyện Văn Yên tưz yênhx lix, uô truôx jông 157 tôv, đôiv uô ntêx hlo hâur por vêv thiêz phax tar cuz tox cuz jôngr, đros lưx lươngv chênhr zos dân quân tự vệ thiêz chor hluôk nênhs. Đros co zos cxiv tsa uô 20 xor mông, lôngx đhok 30 fiêx hêik pâuz txưr jôngr thiêz muôz muôx 3.000 ntâu ntâuz ntơưr yax kriê lok por vêv jôngr, kriê sir zôngv hluôr tơưl ngaz tuk hâur uô, hlơưr têx liêx têz trâu pêx xênhv pâuz. Zơưv Trần Văn Hưng, Tôv tsar Tôv por vêv jôngr jok Khe Gai, xar Đông An, huyện Văn Yên, Yên Bái puz pâuz: “Yênhx hli, chor nênhs hâur tôv por vêv jôngr puôr lênhx muk qênhz yuôx har jôngr. Zos pov muôx têx uô cxâuv lok sik nav har jôngr ntơưv têx ntus têz mak hêik trâu chinhr quyền ntơưv qơư thiêz lưx lươngv kiểm lâm pâuz chiê đơưk kho, tir tar têx kror uô cxâuv txuôk lơưr”.

Zơưv Trần Thống Nhất, Chủ tịch Ủy ban xar An Bình, huyện Văn Yên puz pâuz, uô lơưr lưx lươngv Kiểm lâm thiêz chinhr quyền huyện li hêik kriê, xar tưz xav jênhv têx har jôngr zov chênhr zuôr zôngx ziv muôx cuz tox cuz jôngr siêz thiêz hêik sơưr đơưk luôx têx har đrox nhov chiê tir tar hluôr tơưl chis cuz trâu hâur har jôngr; tso nênhs sêiz jor yênhx hnuz hmo hâur têx ntu tâu njuôk xav zôngx ziv muôx cuz jôngr txix cấp 3 tror sâur… “Pêz tưz uô truôx jông Ban Chox kriê thiêz chor tôv por vêv jôngr, chiê chor ziv chuôz zis thiêz tôv jênhv sêiz jor por vêv jôngr cir jênhv phax cuz tuô cuz jôngr. Đros co, pêz tsik so uô uô cê têx tsênhv njiêz lok phax tar cuz jôngr, por vêv jôngr trâu hâur chor jiês cơưv jêx jok, cơưv chor ziv chuôz zis”.

Chiê por vêv tâu jông chor har jôngr nhiv no muôx thiêz huôv tsar jôngr tâu truôx jông, lưx lươngv Kiểm lâm huyện Văn Yên tưz tsik so nriêr pâuz, nzor hêik trâu chinhr quyền pâuz uô jông têx tsưr ziv sêiz car, por vêv jôngr, sêiz car têx ntông thiêz phax cuz, tuô cuz jôngr.

Zơưv Đoàn Giao Long-Hạt trưởng Hạt Kiểm lâm huyện Văn Yên, tỉnh Yên Bái, puz pâuz: “Pêz chox kriê chor lưx lươngv kiểm lâm thax tsav tsik so hêik chor côngv thôngx jêx jok qênhz yuôx por vêv jôngr; nzor pov tâu têx txuz uô cxâuv chiê hêik trâu chinhr quyền ntơưv qơư pâuz đơưk tu têx uô cxâuk cik txos Chêi jôngr nuv”.

Đros têx tsưr ziv uô jông, cxix cxuô, txix shông 2023 txos nhiv no, sâuv thax tsav huyện Văn Yên tsik pov muôx yưv txuz cuz tox cuz jôngr tưs, paz trâu huyện Bảo Yên muôx nzir thax tsav muôx jôngr vor, tsơưr lươngv jôngr thiêz phuôx huiz tâu jông kinh têr txix har jôngr.

Đros hâux lưv sêiz car, por vêv jôngr, Văn Yên cux lok six tsov cưv txos côngz xưv huôv tsar jôngr. Ciês chiv ntux yiêz shông no, thax tsav qơư tưz chos tâu muôx 2.600 ntâu héc ta jôngr, phênhv ntâu zos jôngr ntông cuêv fix, ntâu đuô tsưr ziv tưz tso tơưv, paz trâu thax tsav muôx jôngr vor hâur huyện ndê muôx 67% ntâu./.

Trịnh Xuân-Lik Thox cxêik nhênhv

CT Mông

Viết bình luận

TIN CÙNG CHUYÊN MỤC