Uô lơưr hloz Hôx luk kriê tsês, chi bôv Co Phung cxiv tsa jêx jok tsôngv box Thái jông jav đuô

             Uô ntêx hlo hâur huôv tsar kinh têr, đảng viên Tòng Văn Lải, chi bôv jok Co Phung, xar Hua La, thành phố Sơn La tưz xêir tsov tsưr ziv chos cà phê, tu zus tsiêx cxu chiê cê zos tsưr ziv uô nox trâu pox nhuôs hâur jok tuôx cơưv shâuv, cê huôv tsar kinh têr trâu ziv chuôz zis.

           Khov sir zôngv khoa học kỹ thuật li trâu qir, txiêr chês huv six hơưv trâu chor tsoz chos; cxax yuôx vắc xin thiêz cxaz nzir cxix cxuô têx tsơưr pưr trâu chor tsiêx cxu, txos nhiv no, chuôz zis tsưr ziv uô kinh têr hâur thax tsav đar muôx 1,5 héc ta iz shông muôs muôx 40 ntâu tuk buô; 15 tấn txir cà phê, xav tas têx côngz đas jos cxuô zav, sâu tâu liv muôx 300 triệu đêiv.

          Đảng viên Tòng Văn Lải hêik pâuz, txix tsưr ziv uô kinh têr no li têx uô tâu, tix lâus tsênhv tsik so paz trâu chor ziv chuôz zis hâur jok, hâur xar lok kỹ thuật chos, tu zus, zuz nôngz tsoz chos, tsiêx tu zus chiê huôv tsar uô nox, hlôngr yiêz tsoz chos, paz muôx nzir phênhv sâu: “Zuk cux hêik sơưr đơưk cơưv shâuv uô lơưr zuk, zuk uô tâu li chak mak hêik lơưr shâuv uô trơưk. Lênhx tưs tsik muôx pênhr mak zuk muôz trâu kir txêik, li xar zuôr buô nôngz lok sik nhux đas nôngz lok zus mak zuk cux côngv paz trâu lơưr”.

            Uô tsaz yênhx cxiv tsa jêx jok yiêz, chi bôv jok Co Phung, xar Hua La, thành phố Sơn La tưz hêik chor ziv chuôz zis sik đros sêiz lax, thôngx ziv tsưr tsix uô cov tâu jông cxuô luôs hâux lưv, tiv zix zos uô cêr muk lok hâur jêx jok, uô truôx jông chor nênhs sik côngv tuôr truôx ngaz tuk, cxiv tsa luz nênhx vênhx huôv yiêz…

          Txix shông 2021 txos nhiv no, chi bôv jok tưz hêik pox nhuôs gôngr côngv tâu 650 triệu đêiv, muôz muôx 500 thiêr ndis ar têz, zuôr xar 2.000 hnuz côngz; ntâu ziv chuôz zis tưz nyêis yêv, kho đuô, txar têx vax tsêr chiê kriz uô 1,6 cêik cêr bê tông; 4 cêik cêr muk lok hâur jêx jok, paz trâu pox nhuôs muk lok, thâux xa zuôr muôs têx hax huv tâu jông đuô. Pos Lèo Thị Tiển, mjoz hâur chor nênhs sik côngv sêiz car sôr 5, jok Co Phung puz pâuz: “Thâuv ntêx cêr muk lok mak zâu grêiv, nhiv no tâu Têz qơưk paz uô cêr yiêz chiê pox nhuôs muk lok zôngx ziv đuô, cur chuôz zis cux thôngx ziv thâuv tsuv txiêr ndêx tsêr por tsês”.

           Lơưr zơưv Lèo Văn Hội, Bí thư Chi bộ, Tsar jok Co Phung, xar muôx 10 shông đhâu, chi bôv xav jênhv têx tsênhv njiêz chênhr, zos: gra siêz tsơưr lươngv xênhz huôx chi bôv; hlôngr yiêz tsưr ziv lênhx tov; cxiv tsa luz nênhx vênhx huôv ntơưv qơư pêx xênhv nhoz; hêik pêx xênhv hlôngr yiêz đuô tsoz chos, tsiêx tu zus cov huv đros… Txos nhiv no, jok muôx 240 ziv chuôz zis, 1.100 ntâu lênhx nênhs, hâur co tsuôk yuôr 5 ziv chuôz zis zuôr xar pluôs, tsik yuôr chuôz zis pluôs; phênhv sâu xav tâu muôx 50 triệu đêiv iz lênhx nênhs iz shông; hâur jok tưz muôx têx tsưr ziv uô nox sâu tâu muôx yênhx puô triệu đêiv iz shông: “Ntu zuôr txos, chi bôv cux li chor đảng viên zuôr tror cơưv shâuv lơưr zơưv hloz Hôx cêr uô nênhx jông, hêik pêx xênhv sơưr đơưk tror sir jos huôv tsar kinh têr, vêv xênhz tênhv qơư, huôv tsar jêx jok yiêz jông. Tsêx trung huôv tsar kinh têr ziv chuôz zis, sir zôngv khoa học kỹ thuật, tu zus chor tsiêx cxu lox, kêiz ol, cxuô zav ntông nux txir txơưr cov muôx tsiv gri kinh têr siêz đuô”.

           Zơưv Lò Văn Chính, Bí thư Đảng ủy xar Hua La, thành phố Sơn La puz pâuz, uô lơưr Bôv Chinhr triv li chỉ thị sôr 05, chi bôv jok Co Phung tưz hêik chor đảng viên uô jông lơưr nghị quyết chi bôv; sêiz shuôk hâux lưv kriz uô nhoz chor nênhs, qơư pêx xênhv nhoz. 40 đảng viên hâur chi bôv puôr lênhx zos tsôngv box mênhx cxưx Thái, tsik so uô ntêx hlo hâur uô tiêr têx jênhv vưv tâu choz, uô cov jông chi bôv li hâux lưv lênhx tov, chor huôx tôngv jêx jok, chor tsưr tsix đoanx thêv puôr lênhx tâu uô jông thiêz uô huv zos lơưr tsưr ziv: “Tiv zix zos chor đảng viên hâur chi bôv tưz muôx txơưx jênhv tsưr tsix kriz uô txos chor chuôz zis sik côngv cux li qơư zuk nhoz lok Đảng, Têz qơưk têx cêr chêi, tiv zix zos nghị quyết chi bôv tưz tso tơưv yênhx hli hâur huôv tsar kinh têr-xar hôiv, cux li luz jok ntơưr têx cêr nênhx vênhx huôv xar hôiv. Txix co pox nhuôs pâuz tâu, sik đros côngv siêz, cxiv tsa, muôx têx ziv chênhv, tsưr ziv chiê paz uô cov hlôngr yiêz jông đuô pêx xênhv luz nênhx”.

          Tsik so ntâu shông, chi bôv, jok Co Phung zos yênhx chi bôv uô tâu cxuô luôs hâux lưv jông nhoz thành phố Sơn La./.

Trấn Long-Lik Thox cxêik nhênhv

Công nghệ krêz tơưv têx hlôngr yiêz hâur zaoz zux tox siêz Lai Châu        

          Ntâu qar piêr kriê công nghệ zaoz zux tâu tsưr tsix, paz shux xênhz thiêz cưk kriê, nênhs cxaz chuôz dưv tâu pâuz txos têx chuôz zênhx cơưv ntơưr yiêz, phần mềm seiz car zaoz zux yiêz thiêz têx trâur nuv lớp cơưv tsi muôx tiês yiêz. Tiv zix, zos têx tuêv shux xênhz tuôx txix têx tsêr cơưv li jiês piêr kriê tsưr ziv uô si Robot uô lok six ntâu lênhx nênhs nhiêv txos. Shux xênhz Nguyễn Anh Khôi, cơưv lớp 8A1, tsêr cơưv THCS San Thàng, TP Lai Châu pheiz kênh: “Hnuz no cur tâu cxaz chuôz jiês thik Robot. Xiv huv Robot tâu uô têx têx lập trình viên, têx cos chiê Robot muk lok thiêz huôx tôngv tâu. Robot li jax thik zos teik thiêz gra têx huv muk txos qơư cui tênhv; tas nro zos 100 điểm, zos uô liêv mak trâus yưx 10 điểm, zos uô yêz trâus kâus mak xênhv thik đuô”.

          Đrâuv thik Robot, tsênhv muôx tsưr ziv tưr thik yiêz, têx qơư piêr kriê hax huv công nghệ...Hâur co, ntơưv diễn đàn sik côngv tsưr ziv xar tơưv hâur têx lênhx nênhs seiz car zaoz zux thiêz chuyên gia công nghệ, ntâu siêz xar tơưv lok hlôngr yiêz số hâur tsêr cơưv tâu heik kriê li ntơưr thôngz xor mông điện tử, số liệu thiêz cxix luôk cơưv ntơưr sâuv dữ liệu lox...

          Pos Nguyễn Thị Thanh Tình, Phưv tsar phongx zaoz zux TP Lai Châu puz pâuz: Nganhx zaoz zux TP tưz sir jos cxơưz tiês côngz xưv hlôngr yiêz số hâur kriê ntơưr cux xưk li cơưv ntơưr ntơưv têx tsêr cơưv. Têx taz viv tsêr cơưv tưz uô lok six jông têx phần mềm hâur côngz xưv seiz car shux xênhz, côngz xưv seiz car bán trú. Tiv zix zos trâur nuv lớp cơưv yiêz tâu uô đros têx tsêr cơưv phổ thôngz, thâuv tsơưr lươngv shux xênhz tâu muôz siêz lok chuyên môn cux xưk  li pênhr xưv uô nênhx. “Ntu zuôr txos pêz tror cxơưz tiês côngz xưv hlôngr yiêz số, tiv zix zos côngz xưv kriê cxaz trâu cán bộ cưk kriê chiê cxơưz tiês huôv tsar hâur têx tsêr cơưv. Pêz cux sik côngv đros Tsêr cơưv đại học Bách Khoa Hà nội chiê kriê cxaz, sir zôngv công nghệ AI trâu têx cưk kriê thiêz ntu zuôr txos pêz tror tsov cưv kriê cxaz trâu cưk kriê. Đros shux xênhz mak pêz tror cxơưz tiês trâur nuv lớp cơưv yiêz, tiv zix zis muôx lênhx coaz txos côngz xưv ntâuk grê, qênhz yuôx shux xênhz”.

          Lok saz VNPT Lai Châu, zơưv Phạm Cao Phong, Phưv giám đốc Tsênhv qơư muôv muôs puz pâuz: Hlôngr yiêz số tas nro hâur nganhx zaoz zux Lai Châu zos tsưr ziv VNPT ndar txos. Nhiv no taz viv tưz paz tâu zuôr xar 100% têx taz viv tsêr cơưv sâuv thax tsav sir zôngv phần mềm hlôngr yiêz số hâur nganhx zaoz zux. Tiv zix zos hâur cxix luôk phần mềm học bạ số tưz tâu krêz uô 100% txos têx tsêr cơưv. “Pêz tưz krêz uô lok six ntâu phần mềm muôx lênhx coaz txos hlôngr yiêz số tas nro hâur nganhx zaoz zux li: phần mềm cxix luôk sinh thái VNEDU; hâur co muôx cxix luôk học bạ số, cxix luôk xeir zuôr shux xênhz hâur cấp cơưv, cxix luôk seiz car tsơưr pưr thiêz cxix luôk muôx lênhx coaz txos seiz car shux xênhz hâur nganhx zaoz zux. Ntu zuôr txos pêz tror krêz đar cxix luôk muôx lênhx coaz tos hlôngr yiêz số hâur nganhx zaoz zux. Đrâuv co pêz tror uô hâux lưv đros Sở zaoz zux, cux xưk li têx phongx zaoz zux nhoz têx huyện, chiê pêz đros têx cưk kriê, shux xênhz uô lớp cơưv yiêz, cux xưk li ndar txos huôv tsar têx tsêr cơưv yiêz sâuv tas nro tỉnh Lai Châu”./.

Khắc Kiên-Txâur Vax cxeik nhênhv