Phêv liv txar qơư nhoz trâu tsôngv box thax tsav trâus ntux nas uô ruôr hiêv nhoz Lai Châu

            Jos Pho Hồ Thầu, xã Hồ Thầu têx hnuz kaz hli 5 no, đhâu jiês ntux lok nas lox thâuv hmo ntux, tas cik sơưr nzor nhoz hâur jos chuôz zis tưs cux pov cơư trôngx tas. Ntâu shông no, thâuv txos cheix ntux lok nas, tâu xor mông thax tsav muôx ntux lok nas lox mak tsôngv box ho khiêr muk nhoz khov txos nênhs cxênhz jê li tsêr nhoz luz jos txơưr. Tix lâuk Phàn Văn Thương, tsôngv box jos Pho Hồ Thầu, xã Hồ Thầu puz pâuz, caz ar xưz poz tâu pov txix cheix ntux nas shông 2019, đhâu jiês tox poz uô tuôs 1 lênhx nênhs nhoz hâur jos, đhâu co 1 shôngk ntâu pov cán bộ xã lok thôngz pov tsưr ziv txar qơư nhoz qơư taz por đuô. “Cán bộ heik txar muk txix shông 2020-2021, taz sik txos nhiv no tsênhv tsi tâu tâu txar muk. Pox nhuôk lok six nyei thâuv txos cheix ntux lok nas, tsuôk pâuz lav nhoz li ntơưv xưz tsi pâuz uô li chas”.

           Qơư muôx ar xưz poz nhoz ciês tov kaz luz jos- qơư muôx 40 ziv chuôz zis tsôngv box mênhx cxưx Cho nhoz uô nênhx. Chiê taz por chuôz zis li txox siê, txos nhiv no tưz muôx ntâu ziv muk pêv têz uô tsêr lav nhoz. Zơưv Phạm Hồng Phú, Phưv Chủ tịch UB xã Hồ Thầu, huyện Tam Đường, tỉnh Lai Châu puz pâuz: “Khov tâu yax mông viv li nhiv no tsôngv box li siêz xar tâu muôz siêz. Tiv zix zos thâuv muôx ntux lok nas, xoz tuô mak pox nhuôk tsi nhoz têx qơư riêz nênhs thiêz, phênhv ntâu zos nhoz tiz jông hâur tsêr, têx qơư taz por. Tiv zix zos têx cán bộ phưv txơưx jêx jos khênhr yax mông, heik têx tsar jos, bí thư jos, jav têx qơư njuôs xav muôx tox poz, thâuv muôx nas lox, chuô lox tsuv thôngz pov trâu tsôngv box. Đhâu nhóm zalo têx jêx jos thâuv muôx ntux nas mak tsar jos, bí thư chi bộ cux zuôr thôngz pov ciês trâu tsôngv box”

            Sở kôngz nuv thiêz tài nguyên tỉnh Lai Châu li thôngz sâu, nhiv no tiv phaz muôx 11 qơư tsôngv box nhoz uô nênhx, đros 641 ziv chuôz zis zos têx chuôz zis zuôr trâus tâu ciêr chênhr bax qơư nhoz chêx chôngk thiêz zuôr trâus pênhr nhiêx uô zos 321 tỷ đeiv. Đrâuv co, viv iz pưv phênhv tsôngv box li cêr cor cav nhoz uô nênhx, tiv phaz tsênhv yuôr 435 ziv chuôz zis nhoz uô nênhx sâuv têx nta trôngz, ntus têx tul đêx zuôr trâus ciêr chênhr tâu txar qơư nhoz, taz sik chính quyênx thiêz chiz coaz muôx txơưx jênhv tsênhv njiz ntâu phêv liv. Zơưv Vương Đức Lợi, Phưv giám đốc Sở kôngz nuv thiêz tài nguyên tỉnh Lai Châu puz pâuz: “ Qơư nhoz yiêz tsôngv box tsuv txar muk nhoz mak tâu tsôngv box thôngx ziv, taz sik hâux lưv bax thax tsav qơư njiz ntâu phêv liv. Thax tsav tỉnh Lai Châu phênhv ntâu zos tox siêz, ar têz nxaz, viv li chiê bax tâu qơư nhoz taz por thiêz lêx ntêr mak muôx tsi ntâu. Pênhr jos chiê paz pox nhuôk txar qơư nhoz, zos tsêr ntông mak zôngx ziv uô, taz sik zos cxiv tsêr yiêz truôx jông, tsuv txar qơư nhoz mak tsôngv box cux tsi xar uô chính sách”.

              Zos iz tỉnh pluôk, têx pênhr jos paz trâu pox nhuôk thiêz uô têx dự án txar qơư nhoz trâu tsôngv box thax tsav trâus ntux nas phênhv ntâu khov txos Trung ương li pênhr nhiêx. Taz sik, chiê taz por tsôngv box li txox siê, chuôz zênhx chuôz tas, niêx shông Lai Châu puôr lênhx sir jos tsov cưv bax cxaz pênhr nhiêx txiêx tiv phaz, taz sik tsi tâu tuôv zênhv tâu tsôngv box li siêz xar. Zơưv Vương Đức Lợi puz pâuz cxaz: “Tsov lơưr Trung ương li têx chính sách mak tỉnh cux tưz muôx nghị quyết chiê paz tsôngv box thax tsav ntux nas. Thiêz pêz cux yax mông chiê pox nhuôk pâuz têx qơư njuôs xav muôx tox poz chiê pox nhuôk chuv tôngv uô têx tsưr ziv yưr lir, taz por. Hâur ntu zuôr txos, pêz zuôr tsov cưv xeir têx qơư tsuv txar, pêz zuôr sik côngv đros tiv phaz xeir têx qơư thiêz heik pox nhuôk tuôx chiê thor ziv chênhv, cê taz por trâu pox nhuôk, mak pox nhuôk cux pov qơư nhoz yiêz huv đros thiêz thôngx ziv siêz”./.

Thủy Kiên-Txâur Vax cxeik nhênhv

Tsi chiê muôx têx heik tsi jông uô ruôr hiêv txos zuôr muôs txir khơưz hâur thax tsav Sơn La

          Pos Lê Thị Loan nhoz xã Phiêng Khoài, huyện Yên Châu, Sơn La heik pâuz, chuôz zis muôx 4 ha têz txir khơưz, shông no sâu đê tâu nhos 100 tênhr. Gri muôs nhiv no tsi yuô bâuv li hli uô ntêx, taz sik tsi zos fênhx zis, chuôz zis cux tsênhv muôs tus gri huv đros trâu yênhx zav txir. “Cur chuôz zis phênhz uô 2, 3 zav txir, chor txir lox, txir jông gâux zos 70-80 cxênhz đeiv iz cir, chor tov thơưx mak txix 30-40 cxênhz đeiv iz cir; zav 10 cxênhz đeiv iz cir cux muôx hur si. Chiê muôx tâu têx txir khơưz xưk li no, chuôz zis cux  moz siêz tu lok six jông, txiêr yiz têx chês tsi jông por tsês, fmông qir trâu......”.

            Pos Loan têx luk kriê cux zos ntâu chuôz zis  pêx xênhv nhoz thax tsav chos ntâu txir khơưz Phiêng Khoài hâur huyện Yên Châu, Sơn La têx hâux lưv uô. Đros thiêz chor liêx têz txir khơưz tâu tsôngv pêx xênhv chos, tu trơưk VietGAP, txiêr yiz chês, sir zôngv qir zuôv, tiz jông tu, seiz shuôs chiê txi tâu têx txir lox siz luôs, jông gâux, nox kaz, muôs tâu gri.

           Zơưv Bùi Văn Quân, Phưv Chủ tịch Ủy ban Phiêng Khoài, huyện Yên Châu, Sơn La heik pâuz, lok sâuv gri muôs mak nhiv no chor nênhs chos thiêz têx qơư sâu zuôr hâur thax tsav xã tsênhv phênhz uô yênhx zav txir, chor lox trâu chor lox, chor mê trâu zav mê. Iz chas chor txir lox, jông gâux, muôx 20-25 luz txir iz cir mak gri txix 30-35 cxênhz đeiv iz cir; hov 25-30 luz iz cir zos 18-22 cxênhz đeiv iz cir; chor txir 35-40 luz iz cir mak gri txix 12-15 cxênhz đeiv iz cir; zav mê đuô hur si zos txix 5-10 cxênhz đeiv iz cir, seiz jông gâux lok tsi jông. “Hâur thax tsav xã, iz cxiê chuôz zis pêx xênhv tsi muôx six hơưv tu jông mak txir mê, tsi yuô jông gâux, gri muôs txix 3-5 cxênhz đeiv cux muôx, taz sik tsuôk zos kênh ziv chuôz zis xưz. Gri muôs, shông no tsi bâuv li shông uô ntêx, taz sik phênhv ntâu truôx tuk; qơư sâu zuôr taz por, 70 ntâu qơư sâu zuôr tsơưs, iz hnuz lơưr cux zuôr txix 500-700 tênhr txir....., hok ntơưv têx ciêz đrôngs lox hâur têz qơưk, tsôngv pêx xênhv têx xiv huv niêx hnuz cux muôs tâu hur si”.

             Yên Châu zos iz hâur têx thax tsav chos ntâu txir khơưz nyar đuô hur si hâur tỉnh Sơn La, muôx 4 cxênhz ha, shông no njuôk xav sâu đê tâu 32 cxênhz ntâu tênhr. Xav txos nhiv no, Yên Châu tưz muôs  muôx 15.300 tênhr txir khơưz, xav kror đruôz đraz gri txix 15-40 cxênhz đeiv iz cir. Đros thiêz iz cxiê liêx têz tsi yuô tu jông, txi txir mê, tsi yuô jông gâux mak gri txix 3-5 cxênhz đeiv iz cir.

              Trơưk li zơưv Lù Văn Cường, Chủ tịch Ủy ban huyện Yên Châu, Sơn La, têx mông heik sâuv mạng xã hội lok txir khơưz Yên Châu tsi tâu gri, txo grêk tsơưs yuôr 3-5 cxênhz đeiv iz cir zos tsi muôx tsênhz; viv co tsuôk zos iz cxiê zav txir mê, kênh ziv pêx xênhv tsi tu jông li heik sâuv xưz. Lok sâuv qir tiv gri txir khơưz txo grêk tsơưs, ntu txix hli 4 txos hli 5, hâur thax tsav phênhv ntâu zos chor txir khơưz siêr tsi trơưk chei, txir khơưz siêr nzor, tuz luôv tuôx zuôr txos ntâu chiê muôs hâur têx ntênhs hội viv li chor txir tâu gri đuô. Txix hnuz xiêz 01/6 txos nhiv no, txir khơưz siêr ntâu,  luôs tsi yuô zuôr txos, chênhr viv li cux tsi yuô tâu gri, taz sik heik cxuô, chor txir khơưz Phiêng Khoài cux tâu gri đuô pir li 2 chas thax tsav: “Yưx chor txir pêx xênhv tsi tu jông chiê nưk tơưs nưk pax, txi txir ntơư txos trâu sâu đê muôs, gri fênhx zis; têx txir muôx grik zos zav tâu HTX, pêx xênhv lơưr tu jông hâur niêx hnuz, trâu qir hur si. Txơưv thâuv ntêx zos 80-90 cxênhz đeiv iz cir, nhiv no txo grêk yuôr 50-70 cxênhz đeiv iz cir, taz sik co cux zos tâu gri hênhr lơưv. Shông no njuôk xav chor txir ntâu, huyện cux tưz choz phongx kinh tế hux jos đros têx tuz luôv thâuv ntêx tưz muôx jiês sâu zuôr hâur thax tsav chiê hu zâuv lơưr tuôx đas cir paz pêx xênhv zuôr; tsưr tsix cxơưz cxiz zuôr muôs xiv huv nhoz ntâu tỉnh, thành hâur têz qơưk”.

              Ntơưv jiês uô hâux lưv đros Ủy ban huyện Yên Châu lok sâuv zuôr muôs têx txir khơưz hâur thax tsav nhiv kruôr đhâu, zơưv Nguyễn Thành Công, Phưv Chủ tịch Ủy ban tỉnh Sơn La, Tsar Ban chox kriê tỉnh lok tsiv uô, zuôr muôs têx hax huv kôngz nuv trâu 2 chas thax tsav heik huyện Yên Châu tror krêz đar liêx têz chos ntâu, tu jông trơưk tsưr ziv yiêz chiê muôx tâu têx txir khơưz tsơưr lươngv siêz trơưk ciêz đrôngs hâur têz qơưk thiêz 2 chas thax tsav tsưr ziv, siêz nhiêv zuôr txos. Iz chas co, hux jos đros ngênhx muôx vax huôv đơưk tu jông têx mông heik tsi muôx tsênhz lok gri txir khơưz, uô ruôr hiêv txos huôv tsar, zuôr muôs txir khơưz hâur thax tsav huyện Yên Châu thiêz tỉnh Sơn La./.

Lê Hạnh-Riê Lâux cxeik, nhênhv