Lào Cai: Bax cxuô luôs hâux lưv chiê uô dưv anr cêr hlâu muk chênhr

Piz huôx tôngv txix shông 2022, Công ty TNHH Ba be ni Chi nhánh Lào Cai luz tsêr mêir xơưk tsôngk yo muôs tơưv saz đrâuv têz qơưk xuz thơưx cux uô tâu truôx jông, paz muôx hâux lưv uô truôx trâu 400 công nhân thiêz 200 cộng tác viên, bax chiê kriz đar nhoz ntu 2. Thâuv pâuz tsêr mêir nhoz hâur thax tsav cêv kuôk uô dưv anr cêr hlâu muk chênhr, Ban lênhx tov Công ty puôr lênhx thôngx ziv siêz, bax txar qơư chiê kriz uô dưv anr. Zơưv Trịnh Nguyên Phương, Giám đốc Chi nhánh puz pâuz:

“Pêz lok six thôngx ziv viv dưv anr no zos muk ntêr thiêz muôx liv trâu tas nro sơưr đơưk taz sik cux tsuv njuôk xav cov huv zos trâu taz viv. Zos tsuv txar qơư mak tỉnh tsuv bax qơư nhoz yiêz jê trâu hâur thành phố, thax tsav đar muôx nhos 3-4 héc ta mak tâu lơưv, viv muôx txos 90% công nhân zos pox niêv, 70-80% zos chor nênhs nhoz iz ndis thành phố Lào Cai, zos txar muk đêz hênhr mak công nhân zuôr tso hâux lưv tsês, tsik tuôx uô hâux lưv lơưv”.

Lơưr zơưv Vương Trinh Quốc, Tsar Ban Sêiz car Qơư Kinh têr tỉnh Lào Cai, tưz tsik zos Tsêr mêir xơưk tsôngk yo Babeeni, 40 ntâu dưv anr txơưr hâur Qơư Công nghiệp Đông Phố Mới đar xar muôx 80 héc ta puôr lênhx nhoz hâur qơư tsuv tâu nyêis yêv chiê kriz uô dưv anr cêr hlâu. Ban Sêiz car Qơư Kinh têr tỉnh tưz tsưr tsix njiz, sik thav chiê nriêr pâuz chor doanh nghiệp li siêz xar, ziv chênhv chiê sik đros muôx tsưr ziv kriz uô cov tâu truôx jông:

“Pêz cux tưz hêik trâu Ủy ban tỉnh chiê muôx tsưr ziv, xav tas nro nyêis yêv lơưr ntu chiê huv đros trâu yênhx ntu yưv pênhr uô, txix co paz muôx tâu thax tsav chiê nyêis txar têx tsêr mêir, tsik uô phiv liv ntâu txos trâu nênhs lox tôngv têx hâux lưv uô, tsik uô phiv liv ntâu txos chor tsêr mêir li hâux lưv uô nox”.

Hok lơưr pos Nguyễn Thị Vi Huế, Phưv Giám đốc Sở Kôngz nuv thiêz Tênhv qơư tỉnh Lào Cai, txơưv nhiv kruôr muôx njuôk xav cxuô, tsik tâu hêik pâuz tsênhz dưv anr txox cêr hlâu tâu uô tsênhz mênhx li chak, taz sik cxuô thax tsav qơư nhoz tỉnh Lào Cai tưz sir jos qênhz yuôx, kriz uô ciês têx tsênhv njiêz cik txos đêx ar chiê phưx vưv trâu têx ntu zuôr txos:

“Hâur ntu qênhz shuôk têx đêx ar, pêz zuôr kriê trâu cxuô thax tsav qơư txix côngz xưv njuôk hov, txos têx phiv liv hâur nyêis yêv cxuô zav. Cxuô thax tsav qơư cux tsuv njuôk xav txos têx ar têz zênhx muôx, tas nro têx qơưk njuôk xav cxiv tsa qơư nhoz yiêz chiê txar chor chuôz zis hâur dưv anr lok nhoz”.

Dưv anr cxiv uô ntu cêr hlâu Lào Cai-Hà Nội-Hải Phòng ntêr muôx 383 cêik cêr, ntu đhâu thax tsav Lào Cai ntêr 65 cêik cêr, đros muôx 2 kror qơư tàu nhoz đrêk thiêz 2 trạm kỹ thuật. Tas nro thax tsav ar têz chiê uô dưv anr ntơưv Lào Cai tas 650 ntâu héc ta, taz sik uô ntêx njuôk xav sâuv ntâuz ntơưr tâu kriz đar muôx 850 héc ta chiê bax trâu têx tsưr ziv kho đuô ntu zuôr txos no. Zơưv Ngô Minh Quế, Chủ tịch Ủy ban huyện Bảo Thắng puz pâuz:

“Nhiv no tsênhv njuôk cov đar mê njil, iz zav li cêr đar muôx 50 thiêr mak njuôk đar đuô muôx 60 thiêr, lav cêv kuôk, thâuv pâuz tâu tsênhz lơưv mak mav li tror njuôk cov tsênhz mênhx đuô. Pêz cux tưz hêik, yax kriê trâu pêx xênhv, sêiz car truôx jông, tsik khênhr pox nhuôs liv zôngv dưv anr chiê chos shôngz ntông, uô tsêr nhoz”.

Tâu pâuz, chinhr quyền 4 thax tsav qơư ntơưv Lào Cai muôx ntu cêr hlâu muk đhâu zos thành phố Lào Cai thiêz têx huyện Bảo Thắng, Văn Bàn, Bảo Yên tưz yênhx lix chor tôv côngz xưv chiê uô têx hâux lưv cik txos dưv anr cêr hlâu muk chênhr; sir jos uô cov sêi tiv zix chiê dưv anr tâu kriz uô huv tsưr ziv trâu kaz shông no lơưr Thủ tướng Chinhr phuv li chox kriê./.

An Kiên-Lik Thox cxêik nhênhv