Thôngx ziv đros têx teiv plor li ziv chênhv thiêz Bộ trưởng Bộ y tế Đào hồng Lan li têx luk têz lok 3 qênhx shênhx hâur nganhx y tế muôx dưv phax, kho moz thiêz cungz tsênhv njiz ntâu phêv liv, zơưv Nguyễn Hữu Đại, Phưv chủ tịch UB huyện Nậm Pồ, tỉnh Điện Biên xar njôngr chính phuv zuôr chêx chôngk uô tiêr cxix luôk pháp luật chiê hlôngr yiêz 3 njiêz luv heik sâuv. Txix co zuôr paz têx tiv phaz thax tsav txov nhêv tsoz phưz jông đuô đas jos trâu tsôngv box”

“Nhiv no hâux lưv taz por seiz njuôs thiêz kho moz nhoz y tế cơ sở cux tsi tâu taz por, muôx lênhx coaz ntâu txos cơ sở chuôz zênhx cxuô zav, yuôx kho moz puôr lênhx lok six phêv liv. Pêz li siêz xar njôngr nhiv no zos chiê paz côngz xưv tsoz phưz đas jos tâu jông tiv zix tsuv chêx chôngk lok y tế dưv phax, chuôz tsar chor y bác sĩ jông. Đrâuv co yuôx vắc xin tsuv taz por trâu têx jiês cxax yuôx thiêz côngz xưv cxax yuôx yax six”./.                                                               

(VOV-Lan dịch đọc)

Muôx qiv hơưv, đêx ar huv đros, txos nhiv no huyện Tam Đường, tỉnh Lai châu tưz huôv tsar tâu zuôr xar 400 héc  ta ntông nox txir ntơưv chor xar tox siêz li: Tả Lèng, Hồ Thầu, Giang Ma, Nùng Nàng, Sơn Bình lơưr saz hax huv tsêx trung. Chiê gra siêz tsiv gri têx hax huv, chinhr quyền chor xar tsênhv sir jos huôv tsar, đros huôv tsar du lịch nriêr pâuz lơưr chêix muôx pax, muôx txir ntông. Huyện tam Đường nhiv no muôx 1.100 ntâu héc ta ntông nox txir. Kror muôz chor ntông nox txir lok chos yênhx thax tsav tsêx trung hlôngr trâu chor tsoz chos tsơưr lươngv kik, tsik jông tưz paz uô tiêr đề anr kho đuô nganhx kôngz nuv ntơưv thax tsav qơư. No tâu sêiz zos tsưr ziv uô yiêz hâur huôv tsar kinh têr, txo grêk yêiz pluôs ntơưv huyện, paz muôx ntâu kror trâu huôv tsar kinh têr, gra siêz phênhv sâu trâu tsôngv box cxuô mênhx cxưx ntơưv thax tsav qơư./.

TTTB-Lik Thox cxêik nhênhv

Hnuz 12/11, văn phongx Bộ công an côngv đros Công ty CP T&T Group, Zênhx hangx muôv muôs cổ phần Sài Gòn- Hà Nội tsưr tsix khơưk muôz nhiêx txiêx cxiv uô tsêr nhoz trâu tsôngv box trâus zênhr shar tiv ntux nas nhoz xã Mường Pồn, huyện Điện Biên, tỉnh Điện Biên. Lơưr co, paz nhiêx txiêx cxiv tsa 20 luz tsêr trâu têx ziv chuôz zis trâus pôngz lơưv tsêr nhoz tiv đêx cuôr yôngz iz luz 70 tsov đeiv. Zuôr xar 1 luz hlik krêz uô, 10 luz tsêr tưz tâu uô tiêr thiêz choz trâu têx ziv chuôz zis nhoz jos Lĩnh, xã Mường Pồn trơưk six hơưv, tsưr ziv thiêz taz por têx zoz qơưx, ploz tsênhr cxiv uô. Yuôr 10 luz tsêr nhoz jos Tin Tốc thiêz jos Mường Pồn 1 nhiv no tsênhv ciêr chênhr uô, njuôs xav uô tiêr thiêz choz trâu têx ziv chuôz zis uô ntêx hnuz 15/12 zuôr txos./.

(Vũ Lợi-Txâur Vax cxeik nhênhv)

Nhiv kruôr đhâu, ntơưv jok Kể Cả, xar Chế Tạo, huyện Mù Cang Chải, tỉnh Yên Bái tưz tsưr tsix jiês uô tiêr Tsêr cơưv nhuôs zâu Kể Cả đros muôx chinhr quyền ntơưv qơư, chor nênhs paz, pox nhuôs hâur jok đros chôngz chor cưk kriê ntơưr thiêz chor shux xênhz tuôx cxaz chuôz. Xar Chế Tạo kuôk tsênhv qơư huyện muôx 35 cêik cêr, zos iz hâur chor xar đêz tiv zix, cêr muk lok phiv liv. Ntơưv no muôx chor chuôz zis tsôngv box mênhx cxưx tsơưs nênhs uô nênhx nhoz ntơưv 6 jêx jok. Tiv zix, chor jok Háng Tày, Pù Vá, Tà Dông, jok Kể Cả zos chor jêx jok nhoz đêz thiêz txov nhêv tiv zix, tsik muôx ciêz, cxuô kror zos pêx xênhv uô chiê sir zôngv. Ntơưv no, muôx iz luz tsêr cơưv nhuôs zâu chênhr thiêz 3 tsêr cơưv nhuôs zâu ntơưv chor jok Háng Tày, Tà Dông, Kể Cả đros muôx 180 ntâu lênhx nhuôs cơưv. Tsêr cơưv nhuôs zâu Kê Cả tâu cxiv tsa hâur thax tsav, qiv hơưv phiv liv, taz sik đros sir jos thiêz sik phêiz kênh, côngv thôngx tưz sik đros sir jos chiê paz trâu chor nhuôs nhoz ntơưv no muôx tâu iz qơư cơưv ntơưr jông./.

VOV4-Lik Thox cxêik nhênhv

Têx tỉnh Tây Bắc tsênhv sir jos khưx phưx têx trâus ruôr hiêv tiv coz nas chuô số 2 thiêz số 3. Tsênhz mênhx, ntơưv tỉnh Sơn La, huyện Mai Sơn zos tiv phaz trâus zênhr shar hnaz tiv zix, đros 7 lênhx nênhs tuôs, 180 luz tsêr nhoz 14 xã, thị trấn trâus poz vâu, cuôr yôngz lok sik tsuv txar qơư nhoz yiêz; 800 ntâu hecta kôngz lông, shuôz njês, tsoz chos jôngr nuv trâus cuôr yôngz; ntâu cêr muk lok trâus tox poz, muk lok tsi tâu…Sâu jênhv têx trâus ruôr hiêv co, huyện Mai Sơn tưz sir jos krêz uô côngz xưv paz txưv. Hâur co, lok tsêr nhoz, huyện tưz paz thiêz muôx cuiz tênhv muôz 2 tỷ đeiv ntâu txix UB MTTQ VN tỉnh, huyện, xã; Bộ công an Bộ côx phax, Trung ương đoanx li Cuiv chơưv paz chiê paz….đros phênhv paz 60 tsov đeiv iz luz tsêr trâus poz vâu tas nro; 20 tsov đeiv iz luz tsêr trâus puôk tsuôx….Nhiv no yuôr 77 ziv chuôz zis tsi tâu bax tâu qơư uô tsêr nhoz, huyện tsênhv seiz shuôk, thôngz đhâu bê têx ziv chuôz zis no chiê xeir thiêz bax qơư nhoz yiêz, paz txưv lơưr cui tênhv chiê tsôngv box nzor ngaz tul luz nênhx./.

(Thu Thùy-Txâur Vax cxeik nhênhv)