Zar hnuz keix hnuz 17/11, zơưv Nguyễn Hữu Đông, Ủy viên BCH TW Đảng, Phưv tsar Ban nội chính TW, Tsar đoanx teiv plrỏ côx hôiv tỉnh Sơn la dưv hnuz ntênhs niêv côngv siêz tas nro mênhx cxưx ntơưv jos Cang Mường, xã Mường Chanh, huyện Mai Sơn (Sơn La). Hâur khôngz qiv shir phaz lov jêv, têx teiv plor thiêz tsôngv box jos Cang Mường tưz sik đros tror ndo txos lix xưv chax chês 94 shông yênhx lix MT mênhx cxưx thôngx ziv VN (18/11/1930-18/11/2024) chêx cuk uô têx phongz yaox tưr thik nhiêv têz nhiêv qơư nhoz jos Cang Mường, xã Mường Chanh shông 2024. Phuôx plov ntơưv ntênhs, phưv tsar Ban nội chính TW Nguyễn Hữu Đông thix ziv:

“Cur thix ziv têx cấp ủy Đảng, chính quyênx, MTTQ VN tỉnh Sơn La heik cxuô, pox nhuôk jos Cang Mường heik taz, tror phuôx huiz chinhz yênhx niêv côngv siêz hâur tsôngv box, chuôz cxaz cêr niêv côngv siêz jêx jos, sik đros pheiz kênh, paz max chiê cxiv tsa têx trâur nuv uô jông lok paz max cxuôv cêr yeiz pluôk truôx vênhs”./.          

 (Trấn Long-Txâur Vax cxeik nhênhv)

Zơưv Nguyễn Duy Hưng, Phưv Chủ tịch Thường trực Ủy ban Mặt trận Têz qơưk Việt Nam huyện Điện Biên Đông, tỉnh Điện Biên puz pâuz, Uô lơưr hnuz hôiv, cxuô thax tsav hâur huyện tưz sik đros tsưr tsix chor huôx tôngv shir phaz Hnuz hôiv niêv côngv siêz tas nro pêx xênhv txix hnuz 1-18/11. Chor huôx tôngv tsêx trung trâu hâux lưv sêiz nus, khơưk muôz hax huv, paz trâu chor ziv chuôz zis txov nhêv lok tsêr nhoz, uô vêv xênhz tênhv qơư iz ndis. Đros co tsưr tsix chor huôx tôngv uô si thể thao, nthuôr uô cêr lov jêv chiê paz muôx tâu sik côngv siêz đuô hâur tas nro pêx xênhv./.

Vũ Lợi-Lik Thox cxêik nhênhv

Tas cik hnuz 17/11, zuôr xar 250 lênhx teiv plor hlôngr njêx muôk trâu 1,1 tsov lênhx tsôngv box mênhx cxưx tsơưs nênhs tỉnh Sơn La tưz cxaz chuôz Đại hội teiv plor têx mênhx cxưx tsơưs nênhs tỉnh jiês tiv 4, đros njiêz luv “Côngv thôngx têx mênhx cxưx tỉnh Sơn La sik côngv siêz, hlôngr yiêz, xar tơưv, phuôx huiz têx muôx ntơưv qơư, sik côngv thiêz huôv tsar truôx vênhs”

Uô Đại hội têx mênhx cxưx tsơưs nênhs tỉnh Sơn La jiês tiv 3 li ntâuz ntơưr, hâur 5 shông đhâu, chor ziv chuôz zis pluôk fênhx pheiz txu grês 3,7% iz shông, txix 21,6% ntâu shông 2019, txu grês yuôr 11% ntâu shông 2024. 100% tsôngv box zos ziv chuôz zis pluôk, zuôr xar pluôk, nênhs mênhx cxưx tsơưs nênhs nhoz thax tsav phêv liv, txov nhêv tiv zix tâu cungz yuôx tsi zuôr ntơưr BHYT. Ntơưv đại hội, têx teiv plor tưz chêx chôngk seiz lax, gôngr ziv chênhv uô tsênhz mễnh cxaz têx yênhx tix tax tâu hâur côngz xưv mênhx cxưx, chính sách mênhx cxưx sâuv thax tsav tỉnh têx shôngk đhâu; heik lok têx phêv liv hâur ntu krêz uô, pheiz kênh tsưr ziv uô jông, trâur nuv muôx chêx cuk thiêz jênhv vưv côngz xưv mênhx cxưx, chính sách mênhx cxưx hâur ntu zuôr txos. Six hơưv no, Bộ trưởng, Chủ nhiệm UB mênhx cxưx khơưk muôz ntơưr kruôk trâu 1 tập thể, 5 lênhx nênhs jông thiêz khơưk muôz chiv nhênhv chương “viv hâux lưv huôv tsar têx mênhx cxưx” trâu 1 lênhx nênhs; Chủ tịch UB tỉnh Sơn La khơưk muôz ntơưr kruôk trâu 9 tập thể, 42 lênhx nênhs muôx yênhx tix jông hâur uô côngz xưv mênhx cxưx ntu 2019-2024. Đại hội cux tưz phuôx tôngv phongz yaox tưr thik lok côngz xưv mênhx cxưx thiêz niêv côngv siêz mênhx cxưx ntu 2024-2029; thôngz đhâu Đại hội li ntâuz ntơưr./.

(Trấn Long-Txâur Vax cxeik nhênhv)

Đại hôiv đại biểu cxuô mênhx cxưx tsơưs nênhs tỉnh Lai Châu jiês tiv 4 đros tsênhv njiêz “Cxuô mênhx cxưx tỉnh Lai Châu sik côngv siêz, hlôngr yiêz, xar tơưv phuôx huiz têx kror liv, sir jos hôiv nhập, cxiv tsa Lai Châu huôv tsar sêi thiêz truôx đrênhk” nhiv kruôr tâu tsưr tsix. Đhâu 5 shông uô lơưr Đại hôiv đại biểu cxuô mênhx cxưx tsơưs nênhs tỉnh Lai Châu jiês tiv 3 shông 2019 li ntâuz ntơưr hêik tsês, thax tsav tsôngv box mênhx cxưx tsơưs nênhs thiêz tox siêz nhoz Lai Châu tưz muôx têx hlôngr yiêz jông. Tsênhv tsênhz, shông 2019 tas nro tỉnh  muôx 66 xar, 696 jêx jok txov nhêv tiv zix, mak txos shông 2024 grêk tsơưs txos yuôr 54 xar, 557 jêx jok txov nhêv tiv zix.

Thứ trưởng, Phưv Chủ nhiệm Ủy ban Mênhx cxưx Trung ương Nông Thị Hà hêik Lai Châu tsuv tror sir jos yax kriê trâu tsôngv box cxuô mênhx cxưx tsơưs nênhs lok côngz xưv mênhx cxưx thiêz kriz uô chor tsênhv chêi mênhx cxưx; tsêx trung kriz uô cov tâu jông chor tsaz yênhx, tsênhv chêi yưv pênhr trâu thax tsav tsôngv box mênhx cxưx tsơưs nênhs, tsênhv njiêz zos uô jông Têz qơưk chor Tsaz yênhx lok huôv tsar kinh têr. Xar hôiv thax tsav tsôngv box mênhx cxưx tsơưs nênhs thiêz tox siêz./.

Khắc Kiên-Lik Thox cxêik nhênhv