Hịt tam hảo tam hằn khòng côn M’nông

---------------------

Hịt tam hảo tam hằn khòng côn M’nông cọ đảy dệt cuồng tựng chua hươn cánh đảy dệt chơ khỏn căm. Cốc khoẹ chảu hươn đảy mơi ải một ải mò đảy lài pi nọng bản khuống tin chưa ma dệt hịt. Chương khòng vạy dệt hịt hôm mi 2 hày lảu xá, tồ mù nưng (nọi nhắư pọm đảy), tồ cáy nưng, tinh nặm nưng, thuổi khảu nửng nưng, thuổi khảu sàn nưng cánh tiên phẩng nưng.

Chơ tam tang nọk hươn hư cọ mi to chảu hươn cánh ải mò tam. Pưng côn ứn, lưn xưa lỏ côn đảy tam vạy hảo vạy hằn hư pọm đảy dú cuồng hươn mết. Ải mò chi khấn tam hịa tay hươn cọ khăn khang pưng tàng chương tàng vạy phì hươn phì dảo àu pày, té khay pày nha dệt xằng hẳư chảu hươn tọn. lằng nặn pưng chương khòng tam tang nọk hươn chi báu đảy àu khảu ma cuồng hươn.

Lằng chơ tam nọk hươn. Chảu hươn cánh ải mò chi khảu mưa cuồng hươn vạy dệt hịt tam cuồng hươn. Nẳng nỉ, côn đảy tam cọ đàng năng thả chằm hày lảu xá. Ỏm hày lảu xá tay hươn cọ pải tồ cáy nưng cánh cá xảy tọng đảy  tổm xúc, thuổi khảu nửng nưng, tiên phẩng nưng cánh thuổi khả sàn nưng, thuổi lượt mù nưng, pók khèn tong nưng cánh nọi nưng phải nhong. Xay mò chi năng tón nả côn đảy tam cánh tẳng cốc tam:

Hịt tam hảo tam hăn khòng côn M’nông mi 2 ngon, ngon nưng lỏ tam nẳng phiềng tón nả hươn, ngon nưng lỏ tam cuồng hươn. Chơ tam tang nọk hươn, pọm cắp chén lảu nọi cánh nhứa mù, chảu hươn đảy khặn khang pưng tàng chương khòng tàng hẳư pưng chương khòng cuồng hươn vạy cống sơ hẳư pảu pú lạn căm. Ặn lỏ tồ tồ chạng, tồ quai, tồ ngua đảy dệt té cò cuổi cánh bằư cuổi. Phú cọng cống 6 tàng dệt té pứak mák tảu, lẹo chén lảu hư đảy àu pứak xáy dệt,…

ꪬꪒꪲ ꪕꪱꪣ ꪬꪱꪫ ꪕꪱꪣ ꪭꪽ ꪄꪮꪉ ꫛ  ꪹꪣꪷ ꪶꪙꪉ

----------------

ꪬꪒꪲ ꪕꪱꪣ ꪬꪱꪫ ꪕꪱꪣ ꪭꪽ ꪄꪮꪉ ꫛ  ꪹꪣꪷ ꪶꪙꪉ ꪼꪒ ꪹꪥꪸꪒ ꪀꪺꪉ ꪕꪉꪳ ꪋꪺ ꪹꪭꪙ ꪀꪱꪉ ꪼꪒ ꪹꪥꪸꪒ ꪹꪋꪷ ꪄꪮꪙ ꪁꪾ. ꪶꪀꪀ ꪵꪅꪫ ꪹꪊꪱ ꪹꪭꪙ ꪼꪒ ꪼꪜ ꪹꪣꪷꪥ ꪮꪱꪥ ꪢꪷ ꪼꪒ ꪨꪱꪥ ꪝꪲ ꪙꪮꪉ ꪚꪱꪙ ꪄꪺꪉ ꪕꪙꪲ ꪹꪋ ꪣꪱ ꪹꪥꪸꪒ ꪭꪲꪒ. ꪹꪋꪉ ꪄꪮꪉ ꪼꪫ ꪹꪥꪸꪒ ꪭꪲꪒ ꪶꪭꪣ ꪣꪲ: 2 ꪼꪬ ꪹꪨꪱ ꪎꪱ, ꪶꪔ ꪢꪴ ꫜ(ꪙꪮꪥ ꪻꪐ ꪝꪮꪣ ꪼꪒ), ꪶꪔ ꪼꪀ ꫜ, ꪕꪉꪲ ꪙꪾ ꫜ, ꪖꪺꪥ ꪹꪄꪱ ꪘꪉꪳ ꫜ, ꪖꪺꪥ ꪹꪄꪱ ꪎꪱꪙ ꫜ ꪀꪱꪉ ꪕꪙꪸ ꪹꪠꪷꪉ ꫜ

ꪬꪒꪲ ꪕꪱꪣ ꪬꪱꪫ ꪕꪱꪣ ꪭꪽ ꪄꪮꪉ ꫛ  ꪹꪣꪷ ꪶꪙꪉ ꪣꪲ 2 ꪉꪮꪙ , ꪉꪮꪙ ꫜ ꪨꪷ ꪕꪱꪣ ꪔꪱꪉ ꪙꪮꪀ ꪹꪭꪙ , ꪉꪮꪙ ꫜ ꪕꪱꪣ ꪀꪺꪉ ꪹꪭꪙ. ꪹꪊꪷ ꪕꪱꪣ ꪕꪱꪉ ꪙꪮꪀ ꪹꪭꪙ , ꪝꪮꪣ ꪀꪚꪰ ꪵꪊꪙ ꪹꪨꪱ ꪙꪮꪥ ꪀꪱꪉ ꪹꪐ ꪢꪴ , ꪹꪊꪱ ꪹꪭꪙ ꪼꪒ ꪅꪽ ꪅꪱꪉ ꪝꪳꪉ ꪔꪱꪉ ꪹꪋꪉ ꪄꪮꪉ ꪔꪱꪉ ꪻꪬ ꪝꪉꪳ ꪹꪋꪉ ꪄꪮꪉ ꪀꪺꪉ ꪹꪭꪙ ꪼꪫ ꪶꪀꪉ ꪹꪏꪷ ꪻꪬ ꪹꪜꪱ ꪜꪴ ꪩꪱꪙ ꪁꪾ. ꪯꪽ ꪨꪷ ꪶꪔ ꪋꪱꪉ , ꪶꪔ ꪉꪺ , ꪶꪔ ꪁꪫꪱꪥ ꪼꪒ ꪹꪥꪸꪒ ꪵꪔ ꪀꪷ ꪀꪺꪥ , ꪻꪚ ꪀꪺꪥ; ꪠꪴ ꪁꪮꪉ ꪶꪀꪉ 6 ꪔꪱꪉ ꪼꪒ ꪹꪥꪸꪒ ꪵꪔ ꪹꪜꪀ ꪢꪱꪀ ꪹꪔꪱ, ꪵꪩꪫ ꪵꪊꪙ ꪹꪨꪱ ꪭꪳ ꪼꪒ ꪹꪮꪱ ꪹꪜꪀ ꪼꪎ ꪹꪥꪸꪒ…

ꪹꪋꪷ ꪕꪱꪣ ꪕꪱꪉ ꪙꪮꪀ ꪹꪭꪙ ꪭꪳ ꪁꪷ ꪣꪲ ꪕꪷ ꪹꪊꪱ ꪹꪭꪙ ꪀꪱꪉ ꪮꪱꪥ ꪢꪷ. ꪝꪉꪳ ꫛ ꪮꪙꪳ ꪩꪙꪳ ꪹꪏ ꪨꪷ ꫛ ꪼꪒ ꪕꪱꪣ ꪝꪮꪣ ꪼꪒ ꪤꪴ ꪀꪺꪉ ꪹꪭꪙ ꪹꪢꪸꪒ. ꪮꪱꪥ ꪢꪷ ꪊꪲ ꪹꪄꪷꪙ ꪕꪱꪣ ꪭꪸ ꪼꪕ ꪹꪭꪙ ꪁꪷ ꪅꪽ ꪄꪱꪉ ꪝꪉꪳ ꪹꪋꪉ ꪔꪱꪉ ꪼꪫ ꪠꪲ ꪹꪭꪘ ꪠꪲ ꪤꪱꪫ ꪹꪮꪱ ꪼꪜ, ꪵꪔ ꪼꪅ ꪼꪜ ꪑꪱ ꪹꪥꪸꪒ ꪎꪉꪰ ꪻꪬ ꪼꪕ ꪹꪭꪘ ꪕꪮꪙ. ꪨꪉꪰ ꪙꪽ ꪝꪉꪳ ꪔꪱꪉ ꪹꪋꪉ ꪄꪮꪉ ꪔꪱꪣ ꪕꪱꪉ ꪙꪮꪀ ꪹꪭꪙ ꪋꪲ ꪹꪚꪱ ꪼꪒ ꪹꪮꪱ ꪹꪄꪱ ꪀꪺꪉ ꪹꪭꪘ.

ꪨꪉꪰ ꪹꪋꪷ ꪕꪱꪣ ꪕꪱꪉ ꪙꪮꪀ ꪹꪭꪙ. ꪹꪊꪱ ꪹꪭꪙ ꪀꪱꪉ ꪮꪱꪥ ꪢꪷ ꪋꪲ ꪹꪄꪱ ꪹꪣ ꪀꪺꪉ ꪹꪭꪙ ꪼꪫ ꪕꪱꪣ ꪀꪺꪉ ꪹꪭꪙ. ꪘꪉꪰ ꪘꪲ , ꫛ ꪼꪒ ꪕꪱꪣ ꪁꪷ ꪒꪱꪉ ꪙꪉꪰ ꪖꪱ ꪊꪾ ꪼꪬ ꪹꪨꪱ ꪎꪱ. ꪮꪮꪣ ꪼꪬ ꪨꪱ ꪎꪱ ꪼꪕ ꪹꪭꪘ ꪁꪷ ꪜꪱꪥ ꪶꪔ ꪼꪀ ꫜ ꪣꪲ ꪀꪱ ꪹꪋꪉ ꪔꪮꪉ ꪼꪒ ꪶꪔꪣ ꪎꪴꪀ , ꪖꪺꪥ ꪹꪄꪱ ꪘꪉꪳ ꫜ, ꪖꪺꪥ ꪹꪄꪱ ꪎꪱꪙ ꫜ ꪀꪱꪉ ꪕꪙꪸ ꪹꪠꪷꪉ ꫜ, ꪖꪺꪥ ꪹꪩꪒ ꪢꪴ ꫜ, ꪜꪮꪀ ꪵꪄꪘ ꪕꪮꪉ ꫜ ꪀꪱꪈ ꪠꪱꪥ ꪑꪮꪉ ꪙꪮꪥ ꫜ. ꪮꪱꪥ ꪢꪷ ꪋꪲ ꪙꪉꪰ ꪔꪮꪙ ꪘꪱ ꫛ ꪼꪒ ꪕꪱꪣ ꪀꪱꪉ ꪔꪉꪰ ꪶꪀꪀ ꪕꪱꪣ.

TTTn – Thành dịch