ꪁꪫꪱꪣ ꪄꪚꪾ, ꪚꪱꪥ ꪵꪏ ꪄꪮꪉ ꪹꪋ ꫛ ꪩꪳ

        ꪹꪣ ꪜꪮꪉ ꪄꪮꪉ ꪝꪉꪳ ꪚꪱꪙ ꪝꪲ ꪙꪮꪉ ꪹꪋ ꫛ ꪩꪳ ꪘꪉꪷ ꪔꪉꪲ ꪨꪱꪥ ꪹꪊꪱ, ꪵꪄꪀ ꪣꪲ ꪹꪏꪉ ꪼꪒ ꪝꪮꪣ ꪀꪽ ꪄꪣꪷ ꪵꪄꪙ ꪵꪏ ꪫꪮꪉ, ꪮꪙꪲ ꪣꪺꪙ ꪄꪚꪾ ꪄꪉꪲ ꪵꪀꪉ ꪡꪉꪷ ꪝꪲ ꪙꪮꪉ. ꪨꪱꪥ ꪑꪉꪲ ꪎꪱꪫ ꪤꪮꪙ ꪤꪱꪉ ꪊꪚꪾ ꪝꪉꪳ ꪖꪱꪫ ꪎꪺꪉ ꪹꪎ ꪭꪉꪴ ꪹꪭ ꪄꪚꪾ ꪀꪫꪸ ꪎꪉꪲ ꪜꪲ, ꪎꪉꪲ ꪵꪁꪙ ꪔꪮꪉ ꪭꪮꪒ ꪝꪴ ꪠꪱ ꪒꪱꪙ. ꪯꪽ ꪷꪨꪷ ꪝꪉꪳ ꪛꪱꪥ ꪄꪚꪾ ꪚꪱꪫ ꪎꪱꪫ , ꪚꪱꪥ ꪄꪚꪾ ꪎꪉꪳ ꪑꪮꪉ ꪚꪱꪙ ꪹꪣꪉ ꪹꪭꪙ ꪀꪫꪸꪥ ꪜꪙꪸ ꪖꪱꪥ , ꪹꪚꪱ ꪁꪷ ꪛꪱꪥ ꪄꪚꪾ ꪎꪉꪳ ꪑꪮꪉ ꪒꪱꪉ ꪹꪭꪉ ꪻꪎ ꪜꪴ ꪶꪭ ꪀꪫꪲꪥ ꪵꪜꪉ ꪵꪀꪉ ꪊꪱꪫ ꪎꪉꪳ ꪜꪺꪉ ꪀꪙꪲ ꪩꪺꪉ ꪤꪴ ꪮꪣꪲ ꪝꪷ...ꪜꪱ ꪕꪱꪫ ꪖꪲ ꪊꪽ, ꪤꪴ ꪚꪱꪙ ꪋꪽ ꪙꪺꪥ ꪎꪱ ꪚꪱꪙ ꪬꪮꪙ ꪭꪫꪸꪙ ꪕꪱꪣ ꪹꪒꪉ ꪔꪉꪲ ꪨꪱꪥ ꪹꪊꪱ ꪻꪬ ꪭꪴ:

          ꪄꪴ ꪨꪱꪀ ꪄꪮꪉ ꪚꪱꪥ ꪄꪚꪾ ꪄꪮꪉ ꫛ ꪩꪳ ꪷꪨ ꪹꪚꪱ ꪋꪳ ꪭꪀꪸ ꫛ ꪋꪱꪉ ꪚꪀꪷ ꪚꪀꪷ ꪮꪮꪶꪀ ꫄ꪡꪙ ꪨꪱꪥ ꫛ ꪄꪚꪾ ꪬꪱꪀ ꪚꪀꪷ ꪹꪪꪱ ꪄꪙꪳ ꪨꪱꪉ ꪻꪠ ꪻꪊ ꪣꪮꪙ ꪄꪮꪭ ꪠꪴ ꫛ ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ. ꪁꪱꪫꪣ ꪄꪚꪾ ꪹꪪꪱ ꪭꪮꪒ ꪙꪾ ꪒꪙꪸ ꪜꪱ ꪝꪴ, ꪎꪉꪲ ꪎꪮꪥ ꪚꪮꪀ ꪼꪣ. ꪹꪫꪹ ꪭꪺꪚ ꪣꪱ ꪨꪷ ꪤꪮꪙ ꪁꪫꪱꪣ ꪊꪱ ꪭꪮꪒ ꪙꪾ ꪒꪙꪲ ꪜꪱ ꪝꪴ ꪹꪪꪱ ꪭꪮꪒ ꪠꪴ ꫛ.

          ꪝꪮꪣ ꪀꪚꪾꪝꪉꪳ ꪛꪱꪥ ꪄꪚꪾ, ꪝꪲ ꪙꪮꪉ ꪹꪋ ꫛ ꪩꪳ ꪁꪷ ꪣꪲ ꪨꪱꪥ ꪚꪱꪥ ꪅꪚꪾ ꪛꪱꪥ ꪵꪏ , ꪹꪏꪉ ꪵꪏ ꪄꪽ, ꪵꪏ ꪶꪔꪚ ꪣꪳ, ꪵꪏ ꪫꪮꪉ ꪨꪷ ꪝꪻꪉ ꪚꪱꪥ ꪵꪏ ꪬꪽ ꪵꪭꪉ , ꪤꪮꪙ ꪤꪱꪉ , ꪝꪮꪣ ꪝꪚꪾ. ꪔꪉꪷ ꪶꪀꪀ ꪵꪔ ꪫꪀꪸ ꫄ꪥꪒ ꪹꪥꪙ ꪬꪱꪉ ꪣꪳ ꪄꪮꪉ ꪝꪲ ꪙꪮꪉ, ꪝꪲ ꪙꪮꪈ ꪬꪱꪀ ꪋꪱꪉ ꪈꪣꪾ ꪵꪀꪉ ꪵꪔꪉ ꪮꪮꪀ ꪝꪉꪳ ꪛꪱꪁ ꪵꪏ ꪼꪫ ꪋꪺꪉ ꪭꪮꪉ ꪫꪀꪸ ꪮꪙꪲ ꪣꪺꪙ ꪄꪚꪾ ꪵꪏ ꪨꪱꪥ ꫛ ꫄ꪋ ꪣꪳ ꪶꪭꪥ , ꪣꪳ ꪣꪺꪙ , ꪝꪉꪳ ꪛꪱꪥ ꪵꪏ ꪙꪲ ꪼꪒ ꪝꪲ ꪙꪮꪉ ꪩꪳ  ꪋꪳ ꪬꪣꪸ ꪵꪀꪉ ꪋꪙꪸ ꪀꪱꪥ ꪻꪬ ꪜꪙꪴ ꪩꪱꪙ ꪨꪉꪷ ꪩꪙꪴ ꪹꪣ ꪘꪱ. ꪹꪮꪥ ꪷꪩꪷ ꪖꪲ ꪵꪏꪉ ꪤꪴ ꪚꪱꪙ ꪋꪽ ꪙꪺꪥ ꪎꪱ ꪚꪱꪙ ꪬꪮꪙ ꪭꪫꪸꪙ ꪕꪱꪣ ꪹꪒꪉ ꪔꪉꪲ ꪨꪱꪥ ꪹꪋꪱ ꪫꪱ:

          ꪵꪏ ꪫꪮꪉ ꪄꪮꪉ ꪹꪋ ꫛ ꪩꪳ ꪨꪷ ꪩꪺꪉ ꪮꪙꪲ ꪣꪺꪙ ꪕꪮꪚ ꪶꪭꪣ ꪨꪱꪥ ꫛ ꪨꪉꪷ ꫄ꪋ ꫃ꪥꪒ ꪫꪀꪸ ꪘꪀꪷ ꪹꪘꪥ. ꪎꪉꪸ ꪶꪀꪉ ꪤꪮꪙ ꪥꪽ ꪥꪽ ꪹꪑꪉ ꪘꪫꪸ ꪹꪋ ꪝꪲ ꪙꪮꪉ ꪝꪮꪣ ꪶꪩꪉ ꪄꪺꪉ ꪮꪙꪸ ꪣꪺꪙ. ꪹꪚꪱ ꪁꪫꪱꪙ ꪪꪱ ꪹꪖꪱ ꪵꪀ ꪘꪮꪣ ꪙꪮꪥ , ꪑꪉꪲ ꪋꪱꪥ ꪝꪮꪣ ꪄꪣꪾ ꪵꪄꪙ ꪀꪽ ꪵꪏ ꪫꪮꪉ ꪤꪮꪙ ꪼꪜ ꪕꪮꪥ ꪎꪉꪲ ꪁꪮꪉ ꪎꪉꪸ ꪶꪀꪉ , ꫃ꪥꪒ ꪼꪬ ꪋꪴ ꫛ ꪣꪺꪙ ꪄꪙꪳ ꪶꪢꪀ ꪣꪱ ꪻꪊ. ꪩꪉꪴ ꪈꪫꪸꪙ ꪪꪽ ꪗꪺꪙ , ꪊꪴ ꪕꪀꪲ ꪮꪫꪲ ꪚꪱꪙ ꪎꪱ ꪚꪱꪙ ꪬꪮꪙ ꪻꪬ ꪭꪴ:

          ꪝꪉꪳ ꪁꪫꪱꪣ ꪄꪚꪾ ꪚꪱꪥ ꪵꪏ ꪄꪮꪉ ꪝꪲ ꪙꪮꪉ ꪹꪋ ꫛ ꪩꪳ ꪼꪒ ꪋꪙꪸ ꪀꪱꪥ ꪵꪔ ꪋꪺ ꪹꪜꪱ ꫃ꪓꪥ ꪜꪴ ꪣꪱ ꪭꪮꪒ ꪋꪺ ꪩꪴꪀ ꫄ꪓꪥ ꪨꪱꪙ , ꫃ꪜꪙ ꪁꪫꪱꪣ ꪚꪮꪀ ꪩꪴꪀ ꪎꪮꪙ ꪨꪱꪙ, ꪹꪝ ꪹꪏꪉ ꪙꪽ ꪹꪚꪱ ꪹꪏꪉ ꪙꪽ ꪹꪚꪱ ꪒꪒꪴ ꪖꪫꪸꪥ ꪼꪒ ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ ꪄꪮꪉ ꪹꪋ ꫛ ꪩꪳ ꪵꪊꪉ ꫄ꪩꪉ ꪼꪒ ꪨꪱꪥ ꪜꪙꪴ ꪩꪱꪙ ꪋꪳ ꪬꪣꪸ ꪵꪊꪉ ꫃ꪜꪉ ꪼꪄ.