Ngon tô thứ 7 mự 24.6.2017

Khù muôn hòm quam khắp Ja rai khắp tóp Khăm Thơng

Mặc quam khắp Jarai té nọi, ưởi Rơ ma H’prăm nẳng bản Ia BIa, xã Ia Le, huyện Chư Pứ, tỉnh Gia Lai tiện tô chơ nghin côn đằư khắp hư ưởi é khắp tóp ngày hẳư xáng lang pong. Cánh xiềng khắp nhương khảu mốc khảu chằư xưa chơ mi xiềng cọng xiềng cống, xiềng đan kiểu pày toi cánh kìn chim lảu xá.

           ưởi Rơ ma H’prăm hẳư hụ, chơ mi côn trai khắp cón, ưởi muôn hòm khắp tóp ngày. Pưa xiềng khắp muôn mụa vạu khửn nghịa hặc panh cằn. Chơ mi bạn phương, pi nọng ma dàm, kìn lảu kìn khảu lẹo, ưởi khắp thàm kháo, bánh pằn nả vịa hạng mự cắp cằn.

          Quam khắp Ja rai khắp ngai, ép ngai. Hák va vạy khắp men cánh khắp muôn hư báu chư hịa phằư cọ chang khắp cánh đảy lài côn nắt xường mặc phăng.

          Pả Giá Mep, nẳng bản Kênh H’méch, xã Ia Blứ, huyện Chư Pứ, pì nị cọ cài 80 pì lẹo. pả tô chơ nhăng nóm pả cọ mặc khắp cánh khắp tóp cắp pưng trai báo cuồng bản. Pưng côn khắp tóp pả pọm lỏ pưng côn chang khắp cánh khắp muôn. Va pi nọng báu chang khắp hư pả báu khắp tóp cánh vện ník xìa.

          Cuồng puồng kìn luông dú khay nị, quam khắp Ja rai báu đảy khắp phọn nương xương cón nị. Hák va khắp tóp cằn lâng lỏ quam khắp muôn hòm pộn dỏn nhất pộp pưng mự muôn mự chiềng khòng bản mương cánh mỏi chua hươn. Hák va pưng côn chang khắp cánh khắp muôn khắp men hư báu mi lài. Quam khắp Ja rai lỏ nen vằn hoá ngươn lang khặn chăn khòng chựa côn Ja rai, cận đảy hiềm chự cánh pếnh khày mưa nả./.

                                                TTTN-Anh dịch

                             ꪣꪺꪙ ꪬꪮꪣ ꪁꪫꪱꪣ ꪄꪚꪾ Jarai ꪄꪚꪾ ꪔꪮꪚ ꪅꪣꪾ ꫄ꪗꪉ

        ꪣꪀꪰ ꪁꪫꪱꪣ ꪄꪚꪾ Jarai ꪵꪔ ꪙꪮꪥ ꪹꪮꪥ ꫄ꪥ ꪣꪱ ꫄ꪭ ꫄ꪜ ꪩꪣꪾ ꪘꪉꪰ ꪚꪱꪙ ꪮꪲ ꪮꪱ ꪚꪸ ꪎꪱ ꪮꪲ ꪮꪱ ꪵꪨ ꪭꪫꪙꪸ ꪋꪳ ꪜꪳ ꪔꪉꪲ ꪤꪱ ꪩꪱꪥ ꪕꪙꪸ ꪶꪕ ꫄ꪋ ꪉꪙꪲ ꫛ ꪻꪒ ꪄꪚꪾ ꪄꪙꪳ ꪭꪳ ꪹꪮꪥ ꪵꪮ ꪄꪚꪾ ꪔꪮꪚ ꪼꪈ ꪻꪬ ꪎꪱꪉ ꪩꪱꪉ ꪜꪮꪉ. ꪵꪀꪉ ꪎꪉꪸ ꪄꪚꪾ ꪹꪑꪉ ꪹꪄꪱ ꪶꪣꪀ ꪹꪄꪱ ꪻꪊ ꪹꪏ ꫄ꪋ ꪣꪲ ꪎꪉꪸ ꪁꪮꪉ ꪎꪉꪸ ꪶꪀꪉ ꪎꪉꪸ ꪓꪱꪙ ꪀꪫꪸ ꪼꪜ ꪕꪮꪥ ꪵꪀꪉ ꪀꪙꪲ ꪋꪣꪲ ꪹꪨꪱ ꪎꪱ.

          ꪹꪮꪥ ꫄ꪥ ꪣꪱ ꫄ꪭ ꫄ꪜ ꪩꪣꪾ  ꪻꪬ ꪭꪴ ꫄ꪋ ꪣꪲ ꫛ ꪋꪱꪥ ꪄꪚꪾ ꪀꪮꪙ ꪹꪮꪥ ꪣꪺꪙ ꪬꪮꪣ ꪄꪚꪾ ꪔꪮꪚ ꪼꪈ. ꪹꪝ ꪎꪉꪸ ꪄꪚꪾ ꪣꪺꪙ ꪣꪺ ꪹꪫꪱ ꪄꪙꪳ ꪉꪸ ꪭꪀꪰ ꪵꪝꪉ ꪀꪽ. ꫄ꪋ ꪣꪲ ꪛꪱꪙ ꪹꪡꪉ ꪝꪲ ꪙꪮꪉ ꪣꪱ ꪤꪱꪣ  ꪀꪙꪲ ꪹꪨꪱ ꪀꪙꪲ ꪹꪄꪱ ꪵꪩꪫ ꪹꪮꪥ ꪄꪚꪾ ꪖꪱꪣ ꪄꪱꪫ ꪵꪚꪉ ꪜꪽ ꪘꪱ ꪫꪀꪸ ꪭꪱꪉ ꪣꪳ ꪀꪚꪾ ꪀꪽ.

          ꪁꪫꪱꪣ ꪄꪚꪾ Jarai ꪄꪚꪾ ꪉꪱꪥ ꪵꪮꪚ ꪉꪱꪥ. ꪬꪱꪀ ꪫꪱ ꪼꪫ ꪄꪚꪾ ꪵꪣꪙ ꪵꪀꪉ ꪄꪚꪾ ꪣꪺꪙ ꪭꪳ ꪹꪚꪱ ꪋꪳ ꪭꪀꪸ ꪻꪠ ꪁꪷ ꪋꪱꪥ ꪄꪚꪾ ꪵꪀꪉ ꪼꪒ ꪨꪱꪥ ꫛ ꪣꪀꪰ ꪡꪉꪰ.

          ꪜꪱ ꪤꪱ ꪵꪢꪚ ꪘꪉꪰ ꪚꪱꪙ ꫃ꪁꪉ ꫄ꪭ ꪵꪢꪀ ꪎꪱ ꪮꪲ ꪮꪱ ꫄ꪚ ꪨꪳ ꪭꪫꪙꪸ ꪋꪳ ꪜꪳ ꪜꪲ ꪙꪲ ꪁꪷ ꪀꪱꪥ 80 ꪜꪲ ꪵꪩꪫ ꪜꪱ ꪶꪕ ꫄ꪋ ꪑꪉꪰ ꪘꪮꪣ ꪜꪱ ꪁꪷ ꪣꪀꪰ ꪄꪚꪾ ꪵꪀꪉ ꪄꪚꪾ ꪔꪮꪚ ꪀꪚꪾ ꪝꪉꪳ ꪋꪱꪥ ꪚꪱꪫ ꪀꪺꪉ ꪚꪱꪙ. ꪝꪉꪳ ꫛ ꪄꪚꪾ ꪔꪮꪚ ꪜꪱ ꪝꪮꪣ ꪨꪷ ꪝꪉꪳ ꫛ ꪋꪱꪉ ꪄꪚꪾ ꪵꪀꪉ ꪄꪚꪾ ꪣꪺꪣ. ꪫꪱ ꪝꪲ ꪙꪮꪉ ꪹꪚꪱ ꪄꪚꪾ ꪣꪺꪙ ꪵꪀꪉ ꪄꪚꪾ ꪹꪚꪱ ꪵꪣꪙ ꪨꪷ ꪜꪱ ꪹꪚꪱ ꪔꪮꪚ.

          ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ ꪼꪅ ꪙꪲ ꪁꪫꪱꪣ ꪄꪚꪾ Jarai ꪹꪚꪱ ꪼ ꪒꪄꪚꪾ ꪡꪮꪙ ꪹꪙꪉ ꪹꪏꪉ ꪀꪮꪙ ꪙꪲ. ꪬꪱꪀ ꪫꪱ ꪄꪚꪾ ꪔꪮꪚ ꪀꪽ ꫄ꪩꪉ ꪨꪷ ꪁꪫꪱꪣ ꪄꪚꪾ ꪣꪺꪙ ꪬꪮꪣ ꪶꪝꪙ ꪤꪮꪙ ꫄ꪐꪒ ꪶꪝꪚ ꪝꪉꪳ ꪣꪳ ꪣꪺꪙ ꪣꪳ ꪊꪉꪸ ꪄꪮꪉ ꪚꪱꪙ ꪹꪣꪉ ꪵꪀꪉ ꪢꪮꪥ ꪋꪺ ꪹꪭꪙ. ꪬꪱꪀ ꪫꪱ ꪝꪉꪳ ꫛ ꪋꪱꪉ ꪄꪚꪾ ꪵꪀꪉ ꪄꪚꪾ ꪣꪺꪙ ꪄꪚꪾ ꪵꪣꪙ ꪭꪳ ꪹꪚꪱ ꪣꪲ ꪨꪱꪥ. ꪁꪫꪱꪣ ꪄꪚꪾ Jarai ꪨꪷ ꪵꪙꪙ ꪪꪽ ꪬꪫꪱ ꪹꪉꪙ ꪩꪱꪉ ꪅꪽ ꪋꪽ ꪄꪮꪉ ꪹꪋ ꫛ Jarai ꫄ꪁꪙ ꪼꪒ ꪬꪣꪸ ꪋꪳ ꪵꪀꪉ 6ꪜꪉ ꪼꪄ ꪹꪣ ꪘꪱ.

                                                          ꪕꪮꪉ ꪵꪯꪉ ꪥꪀꪲ