ꪄꪚꪾ ꪔꪱꪙ ꪭꪀꪰ ꪔꪱꪙ ꪵꪎꪉ ꪄꪮꪉ ꪹꪋ ꫛ ꪥꪱ ꪥꪱꪥ

        ꪏꪣꪴ ꪹꪭꪱ ꪒꪱꪉ ꪡꪉꪷ ꪚꪱꪫ ꪎꪱꪫ ꪄꪚꪾ ꪔꪮꪚ ꪀꪽ, ꪚꪱꪥ ꪄꪚꪾ ꪄꪮꪉ ꪹꪋ ꫛ ꪥꪱ ꪥꪱꪥ ꪘꪉꪷ ꪎꪱ ꪯꪲ ꪱꪮ ꫄ꪭ ꪤꪴ ꪭꪫꪙꪸ ꪋꪳ ꪝꪳ, ꪔꪉꪲ ꪥꪱ ꪥꪱꪥ ꪼꪒ Kờ -pă Tham ꪵꪀꪉ Rơ – mah H’Rek ꪄꪚꪾ. ꪀꪺꪉ ꪝꪉꪳ ꪛꪱꪥ ꪄꪚꪾ ꪄꪮꪉ ꪹꪋ ꫛ ꪤꪱ ꪤꪱꪥ ꪥꪱꪀ ꫄ꪐꪒ ꪨꪷ ꪄꪚꪾ ꪚꪱꪫ ꪎꪱꪫ , ꪤꪱꪀ ꪨꪷ ꪹꪝ 2 ꫛ ꪄꪚꪾ ꪻꪎ ꪀꪽ ꫃ꪜꪙ ꪄꪷ ꫃ꪜꪙ ꪄꪮꪒ ꪠꪴ ꪜꪮꪙ ꫛ ꪵꪀ ꪹꪚꪱ ꪣꪲ ꫄ꪋ ꪥꪉꪷ. ꪹꪝ ꪹꪏꪉ ꪙꪽ ꪄꪚꪾ ꪚꪱꪫ ꪎꪱꪫ ꪹꪚꪱ ꪋꪳ ꪭꪀꪸ ꪶꪒꪥ ꪚꪱꪫ ꪎꪱꪫ ꪻꪒ ꪁꪷ ꪄꪚꪾ ꪼꪒ. ꪀꪺꪉ ꪛꪱꪥ ꪄꪚꪾ ꪼꪒ ꪶꪄꪉ ꪄꪱꪥ ꫃ꪜꪙ ꪄꪷ ꫃ꪜꪙ ꪄꪮꪒ ꪀꪫꪥꪸ ꪀꪽ.

          ꪁꪫꪱꪣ ꪄꪚꪾ ꪹꪋ ꫛ ꪥꪱ ꪥꪱꪥ ꪣꪱ ꪕꪱꪉ ꪎꪉꪸ ꪄꪚꪾ ꪁꪷ ꪼꪒ ꪜꪼ ꪄꪚꪾ ꪣꪱ ꪹꪏꪉ ꪎꪉꪸ ꪁꪮꪉ , ꫄ꪋ ꪭꪳ ꪎꪉꪸ ꪄꪙꪳ ꪎꪉꪸ ꪶꪩꪉ ꪤꪮꪙ ꪣꪷ, ꫄ꪋ ꪭꪳ ꪎꪉꪸ ꪔꪣꪾ ꪜꪫꪲ ꪶꪜꪉ ꪔꪮꪉ ꪼꪜ ꪕꪺ ꪶꪠꪉ. ꫄ꪋ ꪎꪉꪸ ꪄꪚꪾ ꪤꪮꪙ ꪄꪙꪳ ꪀꪚꪾ ꪝꪉꪳ ꪁꪫꪱꪙ ꪄꪚꪾ ꪋꪱꪉ ꪫꪱ ꪎꪒꪸ ꪫꪱ ꪎꪺꪥ ꪀꪽ, ꫄ꪋ ꪭꪳ ꪵꪜꪀ ꪹꪏꪉ ꪏꪚꪾ ꪻꪎ ꪬꪴ. ꪨꪱꪥ ꪋꪱꪥ ꪚꪱꪫ ꪑꪉꪲ ꪎꪱꪫ ꫄ꪋ ꪮꪲꪙ ꪣꪀꪷ ꪀꪽ ꪝꪲ ꪙꪮꪉ ꪹꪚ ꪱꪤꪱꪣ ꪫꪱ ꪔꪷ ꪘꪱ ꪼꪒ ꪥꪮꪙ ꪁꪫꪱꪣ ꪄꪚꪾ ꪪꪱ ꪻꪎ ꪀꪽ. ꪝꪲ ꪙꪮꪉ ꪶꪮ ꪶꪕ ꪀꪽ ꪕꪮꪥ ꪁꪫꪱꪣ ꪼꪫ ꪋꪱꪉ ꪊꪱ ꪋꪱꪉ ꪔꪱꪙ ꪵꪣꪙ ꪻꪊ ꪀꪽ.

          ꪥꪴ ꪚꪱꪙ Luh Tong - Yong, ꪎꪱ Ia Hrú, ꪭꪫꪙꪸ Chư Pưh ꪔꪉꪲ ꪥꪱꪥ ꪩꪱꪥ ꪎꪉꪸ ꪄꪚꪾ ꪄꪮꪉ ꪠꪺ ꪣꪸ Kờ -pă Tham ꪵꪀꪉ Rơ – mah H’Rek ꪼꪒ ꪨꪱꪥ ꫛ ꪘꪒꪷ ꪹꪎꪉ ꪣꪀꪷ ꪡꪉꪷ, ꪩꪙꪳ ꪹꪏ ꪨꪷ ꪜꪙꪴ ꪜꪱꪙ ꪩꪱꪙ ꪘꪮꪣ. ꪁꪫꪱꪣ ꪀꪚꪾ ꪔꪱꪙ ꪋꪴ ꪁꪷ ꫃ꪥꪒ ꪻꪬ ꪹꪑꪉ ꫃ꪥꪒ ꪻꪬ 2 ꫛ ꪭꪀꪷ ꪵꪝꪉ ꪘꪒꪷ ꪵꪎꪉ ꪀꪽ ꪵꪩꪫ ꪹꪮꪱ ꪀꪽ 6ꪜꪙ ꪠꪺ ꫃ꪜꪙ ꪣꪸ ꪵꪔꪉ ꪹꪭꪙ ꪨꪱ ꪤꪱꪫ ꪹꪏꪉ ꪼꪅ ꪙꪲ. ꪹꪮꪥ ꪯꪱꪥ ꪣꪀꪷ ꪣꪺꪙ ꪵꪀꪉ ꪵꪮꪚ ꪄꪚꪾ ꪵꪔ ꪑꪉꪷ ꪙꪮꪥ , ꪭꪮꪒ ꫄ꪋ ꫃ꪜꪙ ꪚꪱꪫ ꫃ꪜꪙ ꪎꪱꪫ ꪼꪜ ꪩꪉꪸ ꪉꪺ ꪩꪉꪸ ꪁꪫꪱꪥ ꪹꪚ ꪱꪁꪷ ꪮꪙꪲ ꪣꪺꪙ ꪀꪺꪉ ꪝꪉꪳ ꪜꪱꪉ ꪶꪭꪥ ꪭꪳ ꪹꪮꪥ ꪯꪱꪥ ꫄ꪩꪉ ꪄꪚꪾ ꪻꪬ ꪾꪝ ꪵꪣ ꪝꪲ ꪙꪮꪉ ꪡꪉꪷ;

          ꪚꪱꪤ ꪄꪚꪾ ꪿Adoh tơdăm dra” ꪁꪫꪱꪣ ꪄꪚꪾ ꪄꪮꪉ ꪹꪋ ꫛ ꪥꪱ ꪥꪱꪥ ꫃ꪬꪙ ꪄꪚꪾ ꪨꪱꪥ ꫄ꪐꪒ ꪨꪷ ꪘꪉꪷ ꪶꪠꪉ Chư Pưh ꪵꪀꪉ Auyn p, ꪔꪉꪲ ꪤꪱ ꪩꪱꪥ. ꪙꪮꪀ ꪙꪽ ꪮꪮꪀ ꪘꪉꪷ ꪶꪠꪉ ꪙꪲ ꪑꪉꪷ ꪣꪲ ꪁꪫꪱꪣ ꪄꪚꪾ “Khăm Thơng”, ꫄ꪩꪉ ꪼꪒ ꫛ ꪹꪖꪱ ꫛ ꪵꪀ ꪄꪚꪾ ꪀꪚꪾ ꪀꪽ ꪹꪚꪱ ꪁꪷ ꪄꪚꪾ ꪼꪬ ꫛ ꪹꪊꪱ ꪀꪫꪥꪲ ꪵꪝꪉ ꪡꪉꪷ ꪼꪫ ꪕꪙꪸ ꪶꪕ ꪀꪱꪫ ꪊꪱ ꪹꪚ ꪱꪁꪷ ꪜꪙꪸ ꪁꪫꪱꪣ ꪖꪱꪣ ꪄꪱꪫ ꪬꪱ ꪀꪽ. ꪯꪽ ꪨꪷ ꪝꪉꪳ ꪛꪱꪥ ꪄꪚꪾ ꪔꪱꪙ ꪭꪀꪷ ꪔꪱꪙ ꪹꪎꪉ ꪵꪔ ꪁꪫꪱꪣ ꪄꪚꪾ, ꪚꪱꪤ ꪶꪕ ꫃ꪤꪒ ꪻꪬ ꫛ ꪡꪉꪰ ꪘꪒꪷ ꪹꪎꪉ ꪄꪮꪉ ꪝꪸ ꪙꪮꪉ ꪹꪋ ꫛ ꪥꪱ ꪥꪱꪥ.

                                                ꪹꪖꪉ ꪊꪴ ꪼꪔ ꪉꪫꪙꪸ - ꪵꪭꪉ ꪥꪀꪲ

Khắp tản hặc tản xương Adoh tơdămdra

          Xum hau đang phăng báo xao khắp tóp căn, bai khắp chựa côn Jarai nẳng xã Ia Hrú, huyện Chứ Pưh, tỉnh Gia Lai, đảy Kờ -pă Tham cánh Rơ – mah H’Rek khắp. Cuông pưng bai khắp khong chựa côn Jarai dạk nhất lỏ khắp báo xao. Dạk pưa 2 côn khắp sáư căn pên khỏ pên khót phủ pon côn kẻ báu mi chơ dặng. Pưa xương nặn, khắp báo xao báu chư hịa đôi báo xao đàư cọ khắp đảy, cuông quam khắp đảy khống khái, pên khỏ pên khót.

          Quam khắp chựa côn Jairai ma tang xiêng khắp cọ đảy khắp pày khắp ma xương xiêng cọng, chơ hư xiêng khửn, xiêng lông, dỏn mo, chơ hư xiêng tắm piu pống tỏng pày tua phổng. Chơ xiêng khắp dỏn khửn cắp pưng quam khắp chang va xiết va xuồi căn, chơ hư xương pék sặp sáư hù, Lài trai báo, nhinh xao chơ ỉn mặc căn pi nọng báu  dám va tó nả đảy đọn quam khắp va sáư căn. Pi nọng ổ tô căn toi quam vay chang chà chang tản hảu men chàư căn.

          Dú bản Luh Tong - Yong, xã Ia Hrú, huyện Chư Pưh tỉnh Gia Lai, xiêng khắp khong phua mia ai Kờ -pă Tham cánh Rơ – mah H’Rek đảy lai côn nắt xương mặc phăng, lưn xưa lỏ pun pan lan nóm. Quam khắp tản chụ cọ dệt hảu xong côn hặc panh nắt xương căn, lẹo 2 côn àu căn pên phua pên mia tánh hươn la dảo xương khay nị. Ưởi ai mặc muôn cánh ép khắp té nhăng nọi, họt chơ pên báo pên xào pày liệng ngua, liệng quai báu cọ ỉn muôn cuông pưng pàng hội hư ưởi ài lâng khắp hảu po me pi nọng phăng.

Bai khắp” Adoh tơdăm dra” quam khắp Jarai hên lai khắp lai nhất phổng Chư Pưh cánh Auyn pa, tỉnh Gia Lai. Nọk nặn ók, nẳng phổng nị nhăng mi quam khắp “ Khăm Thơng”, lâng lỏ côn thảu, côn ké khắp cắp căn báu cọ khắp hảu côn chảu quý panh vạy tiện tô cáo chà báu cọ piến quam tham kháo hà căn. Ặn lỏ pưng bai khắp tản hặc tản xương té quam khắp, bai tô dệt hảu côn phăng nắt xương khong pi nọng chựa côn Jarai./.

                                                TTTN - Hạnh dịch