Ngế pro xiâm hnê ngăn tơnêi têa pơkâ thế Khu pơkuâ tơdroăng tơkêa bro Tơraih tơƀai lâp plâi tơnêi Long Thành mơhnhôk hên khu ki mơjiâng pro pêi cheăng ‘’3 hdroh, 4 khu’’, pêi plâ hâi, plâi măng a kông trương, mơjiâng tơdroăng mơjiâng pro kơdrâm phiu ro, ó rơdêi; pơtối mơgrúa kong prâi, tơbêng ƀă pêt nhâ a tung a tíu tung dế, peăng mâ hâi lo ƀă peăng mâ hâi luô kơpong tơraih tơƀai.

Ngế pro xiâm hnê ngăn tơnêi têa pơkâ thế Kuân khu 7, Khu xiâm pơkuâ mô đô̆i, pơtroh tơ’nôm kuăn mơngế, mâu khu mô đô̆i rơtế ƀă Khu pơkuâ tơdroăng tơkêa bro Tơraih tơƀai lâp plâi tơnêi Long Thành mơgrúa lĕm, pơtối mơ-eăm tơniăn mâu tơdroăng pơkâ vâ tơdah roh tơƀai apoăng a hâi lơ 19/12 la ngiâ.

Ngế pro xiâm hnê ngăn tơnêi têa loi tơngah, mâu ngế ki tơdjâk kô pơtối mơ-eăm, mơ-eăm tâi ivá, khŏm mơ-eăm hên tâ mê nếo vâ thâ kêi đeăng, djâ tung xúa tơdroăng tơkêa bro tơraih tơƀai Long Thành râ lâp plâi tơnêi ƀă hngêi trăng troăng klông tơdjêp lĕm, mơnhông cheăng kâ ‘na tơƀai, tơkŭm tâi tâng tơmeăm khoăng ‘na tơƀai tiô hnê mơhno dêi pôa Tô Lâm, Kăn xiâm pơkuâ hnê ngăn Đảng.