Sap hâi lơ 16/11 troh nôkố, Troăng kân Tơnêi têa 27C mơnhên 52 tíu tơhnâp, 35 tíu kreăng tâi tâng. Kong pơlê Khánh Hòa hiăng pơklât thế klĭng văng vâ tơniăn ƀă tơkŭm po rơnêu bro thâ. Ôh tá xê to troăng kân tơnêi têa 27C, kong mêi têa lân lu pro troăng măng tơ’nhê a hên cheăm, bêng dêi kong pơlê Khánh Hòa, ki rơhêng vâ tối cho troăng prôk ƀă troăng rơxế lơtreng.

Tâi tâng kơlo ki tro lŭp ‘na hngêi trăng, troăng klông dâng 1.970 rơtal liăn. Klêi kơ’nâi têa xiâ, mâu cheăm, bêng hiăng pơtroh rơxế, mơngế pêi cheăng rơnêu, tơkŭm rơnêu mâu tíu tơhnâp a troăng kân kong pơlê, troăng prôk a cheăm. Troh nôkố 28/29 troăng tơhnâp hiăng klêi rơnêu ăm rơxế prôk lăm. Krê Troăng kân Tơnêi têa 27C thế rơnêu pá xua tơnêi rơnâk pá puât ƀă troăng kân prôk lăm hliâk.