Nôkố kong pơlê Lâm Đồng ai 34 kơpong pơkâ pêi bauxite ƀă tâi tâng ƀăng deăng lối 240.000 ha, châ vâ chê 10% ƀăng deăng ki ai xêh; rơtế 17 kơpong chiâng xo titan lối 15.000 ha. Tơdroăng pơkâ pêi kân, ki rơhêng vâ tối ƀă bauxite hiăng pro chât rơpâu ha tơnêi pêt mơjiâng ƀă tơnêi ối dêi kuăn pơlê lo ing kơpong ki hdi xo.

Ing séa ngăn, Lâm Đồng pơkâ thế mơ’no lo kơpong pơkâ pêi lối 55.000ha, ai hên kơpong kuăn pơlê rêh ối tơniăn, mâu troăng klông kố cho kal khât, rế tơniăn hnoăng pơxúa kuăn pơlê, rế ôh tá tơdjâk troh pơkâ pêi mơhnhôk mơ’no liăn cheăng mâu tơdroăng tơkêa bro chiâ xo tơmeăm khoăng tung kơdâm tơnêi têa.