Tíu ki ăm phêp prôk lăm cho kơpong văng ối tung bêng Xuân Trường – Đà Lạt, tíu ai tơhnâp kân a kơmăng lơ 28/10. Roh tơdroăng kố pro chât met khô̆i tơnêi hmốu ing kơnâng troăng tơhnâp chu troăng, tơdrêng amê hlo ai mâu tíu tơhnâp kân rơdâ 3.500 met karê rơ-iô ăm mơngế ƀă rơxế prôk lăm, pơkâ thế kong pơlê Lâm Đồng thế tơbleăng tơdroăng ki thâ ‘na kong prâi pro ôh tá tơniăn vâ tơno pêi pro.

Ƀă rơxế pơto tơmeăm lối 5 tâ̆n ƀă rơxế pơto tơmối sap ing 16 tíu ‘nân tơngi klêng, mâu rơxế kal hbrâ rah ro troăng prôk ki vâ prôk: ing bêng Xuân Trường – Đà Lạt chu văng Mimosa lơ Prenn lơ Prenn lo a Troăng kân Tơnêi têa 20. Kơvâ cheăng xuân pơchân tối kuăn pơlê kơdroh prôk lăm a kơmăng, ki rơhêng vâ tối drêng kong mêi kân lơ ai inôa hên; prôk tiô hnê mơhno a troăng kân tung pơla mâu tíu cheăng pơtối rơnêu tíu tơhnâp.