Kố cho tơdroăng ăm hlo ki tơƀrê châ tối tơbleăng a hneăng Hôp mơgêi 3 hơnăm pêi pro tiô Tơdroăng pơkâ dêi tơnêi têa mơjiâng thôn pơlê nếo pơla hơnăm 2021-2025 kong pơlê Dak Nông  tơkŭm po hâi lơ  28/9. riên troh khế 9/2023, kong pơlê Dak Nông ai 36/60 to cheăm châ mơnhên tối thôn pơlê nếo, châ 80% tiô pơkâ ai 43 to cheăm châ mơnhên tối a hơnăm 2025. 

Tâng riên lâp tung kong pơlê ai vâ chê 17 tơdroăng pơkâ, ôh pá  ai cheăm ki lâi pa xôp 10 tơdroăng pơkâ. Tơdroăng pơkâ dêi tơnêi têa mơjiâng thôn pơlê nếo châ pơtối pro pơxúa tơƀrê ăm kong pơlê Dak Nông. Ing mê,  mơdêk ki mơnhông tơƀrê cheăng kâ rêh ối, xăm kơtiê, chôa lâng ‘no hnoăng mơnhông kong pơlê Dak Nông chiâng kong pơlê mơnhông tơƀrê dêi kơpong Tây Nguyên tiô pơkâ Hneăng hôp Đảng ƀô̆ kong pơlê rôh má 12 ai pơkâ.