Kơxo hâi lơ 17/2, Khu xiâm ngăn ‘na chiâk deăng ƀă mơnhông thôn pơlê tơkŭm po roh hop lâp tơnêi têa ‘na Ƀơrô pơkâ hnoăng cheăng mơjiâng thôn pơlê nếo rêm râ hnăm 2023. Hơnăm 2023, lâp tơnêi têa hiăng pơkâ hnoăng cheăng ai dâng 78% mâu cheăm châ plah thôn pơlê nếo; ki vâ iâ hlái ai 270 to cheăm râ tơring châ mơnhên tối hiăng plah thôn pơlê nếo, ai 7 troh 8 kong pơlê châ pêi pro klêi hnoăng cheăng mơjiâng thôn pơlê nếo.

Tiô Bơrô pơkuâ ngăn mơjiâng thôn pơlê nếo ăm ‘nâi, mâu kong pơlê kal thăm mơdêk tâ nếo tơdroăng hnê mơhno tối, hơ’lêh tuăn tơmiât ‘na mơjiâng thôn pơlê nếo, hnối pêi adrêng ƀă tơdroăng mơjiâng “Pêi chiâk deăng ki xúa mâu tơmeăm krúa, pêt mơjiâng hên hdrê loăng, thôn pơlê rêh ối, cheăng kâ tiô túa nếo, kuăn pơlê hloh hlê rơkê plĕng”. Hnê mơhno a Roh hôp mê, pôa Lê Minh Hoan, Ngế xiâm ngăn ‘na chiâk deăng ƀă mơnhông thôn pơlê ai tối tiah kố: Mơjiâng thôn pơlê ti xê to mơnhên ngăn tơdroăng ki kuăn pơlê pêi lo kế tơmeăm, liăn ngân, ôh tá xê pêi bố bôí dêi pó, mê mơjiâng thôn pơlê kal athế mơnhên ngăn ki kơnía dêi mơhno túa lĕm tro, ki ai krê xêh dêi rêm kong pơlê, pơlê kong kân, tơring, cheăm, rêm pơlê pơla.