Kơxo lơ 28/10, Vi ƀan hnê ngăn kong pơlê Lâm Đồng tơkŭm po leh tơbleăng tơring Lâm Hà cho kơpong cheăng kâ nếo Hà Nội a Lâm Đồng pêi klêi thôn pơlê nếo ƀă tơdah xo Mê dái Pêi cheăng má pái. Luâ 35 hơnăm mơjiâng ƀă mơnhông mơdêk, 10 hơnăm pêi pro Tơdroăng pơkâ tơnêi têa mơjiâng thôn pơlê nếo, tơring Lâm Hà – kơpong cheăng kâ nếo dêi mơngế Hà Nội a tơnêi Lâm Đồng hiăng hlo mơnhông tung tâi tâng a mâu kơvâ cheăng.
Tơdah xo Mê dái Pêi cheăng ối má Pái dêi Kăn xiâm hnê ngăn tơnêi têa diâp ăm tơring Lâm Hà
Troh nôkố, pêi lo liăn rêm ngế châ lối 52 rơtuh liăn, tâk 2,5 hdroh tâng pơchông ƀă 10 hơnăm hdrối; kơxô̆ rơpŏng kơtiê xuân kơdroh hên nôkố bu ối 1,68%; tâi tâng cheăm châ mơnhên pêi klêi thôn pơlê cho tơring pêi klêi thôn pơlê nếo hơnăm 2016 – 2020; ƀă hâk tơngăm châ kăn xiâm hnê ngăn tơnêi têa diâp Mê dái Pêi cheăng ối má Pái. Nôkố, lâp kong pơlê Lâm Đồng hiăng ai 107/111 to cheăm pêi klêi thôn pơlê nếo, 2 to pơlê kong kơdrâm pêi klêi hnoăng cheăng mơjiâng thôn pơlê néo ƀă 5 to tơring châ mơnhên pêi klêi thôn pơlê nếo.
Viết bình luận