Kŏng ti hiăng thăm tơrŭm ƀă khu râ kăn pơkuâ kong pơlê mơhnhôk kuăn pơlê veăng pleăng tơnêi, hâi pêi cheăng, tơmeăm vâ kum tung mơjiâng, rơnêu troăng on tơhrik hă áp tiô troăng ‘’Tơnêi têa ƀă kuăn pơlê rơtế pêi’’; pơtâng tối mơdêk hlê plĕng rak vế tơmeăm on tơhrik, troăng kơxái on tơhrik, xúa on tơhrik kơdĭng, châ tơƀrê. Bu tung 3 hơnăm achê kố, krê PC Dak Lak hiăng pêi pro 263 tơdroăng tơkêa bro troăng kơxái on tơhrik, ƀă tâi tâng kơxô̆ liăn lối 668 rơtal liăn. Tơdrêng amê, Kŏng ti xiâm on tơhrik peăng tơdế tơnêi têa xuân hiăng mơ’no liăn mơjiâng 12 tơdroăng tơkêa bro on tơhrik ki xiâm a Dak Lak, tâi tâng kơxô̆ liăn 1.322 rơtal liăn.
Troh nôkố, tâi tâng mâu cheăm, bêng, pơlê kân dêi kong pơlê hiăng ai on tơhrik, ai 99,54% kơxô̆ rơpŏng kuăn pơlê xúa on tơhrik tơnêi têa ƀă 148/152 cheăm châ plâh ‘na on tơhrik tung mơjiâng thôn pơlê nếo.
Viết bình luận