Kố cho tơdroăng ki nếo tối a Rôh hôp khu pơkuâ hnê ngăn Đảng Pơlê kong kân Đà Nẵng rôh má 16, po a kơxo lơ 16/7. Tơpui mơgêi rôh hôp, pôa Nguyễn Văn Quảng, Kăn pơkuâ hnê ngăn Đảng pơlê kong kân Đà Nẵng tối rơdêi, pakĭng mâu tơdroăng ki hiăng pêi châ, tơdroăng cheăng rêh ối pơlê pơla dêi pơlê kong kân ối trâm hên xơpá, ai mâu tơdroăng pơkâ, hnoăng cheăng tiô Pơkâ ƀă inâi hơnăm 2024 pêi pro tá hâi hlo tơƀrê.

Hnoăng cheăng hnê mâu ngế cheăng, ‘mot châ 854 ngế đảng viên, tơ’mô 1,39% kơxô̆ ngế đảng viên apoăng hơnăm, ƀă 46,4% hnoăng pơcháu. A rôh hôp rôh kố, Khu pơkuâ hnê ngăn Đảng Pơlê kong kân Đà Nẵng xuân tơkŭm tơpui ƀă ăm rơkong tơpui tối ‘na tơdroăng tơkêa klâ xoăng khu râ kăn pơkuâ tơring, râ cheăm pơla hơnăm 2013 – 2025 dêi pơlê kong kân Đà Nẵng.

Túa pơkâ kơxô̆ liăn ‘no pêi cheăng tơdjuôm hơnăm 2025; Tối tơbleăng klêi kơ’nâi tơbleăng tơdroăng túa pơkâ bro tơmeăm kih thuât kơphô̆ hmâ ƀă kong prâi hơ’lêh; ing Tối tơbleăng mơgêi hnoăng cheăng liăn ngân Đảng hơnăm 2023 ƀă túa tơmiât pêi, hnoăng cheăng hơnăm 2024.