A rôh tơdah, pôa Tô Lâm, Ngế xiâm ngăn Kŏng an rơkâu kơ kăn teăng mâ hiăng pêi klêi dêi hnoăng cheăng a Việt Nam, veăng kum kal khât tung hnoăng cheăng mơdêk hơ’lêh nếo tơrŭm cheăng pơla péa tơnêi têa Việt Nam – Qatar tối tơdjuôm, tơrŭm cheăng pơla Khu xiâm ngăn Kŏng an Việt Nam ƀă mâu kơ koan tơrŭm cheăng Tơnêi têa Qatar tối krê.

Pôa Tô Lâm ăm ‘nâi, tung tơdroăng ‘Tơkêa tơrŭm cheăng ‘na tơplâ mơdât mâu ngế ki pro xôi tơkâ luâ tơnêi têa pơla Khu xiâm ngăn Kŏng an Việt Nam ƀă Khu xiâm ngăn kăn sat Tơnêi têa Qatar” kĭ tơkêa hơnăm 2014, tơrŭm cheăng pơla péa pâ pơla péa tơnêi têa hiăng châ hơ’lêh tung hên kơvâ cheăng.

Pôa Tô Lâm prế Kăn teăng mâ Qatar a Việt Nam Mohamed Ismael Al-Emad

Pôa Tô Lâm loi tơngah, klêi kơ’nâi tơrŭm cheăng pơla péa tơnêi têa kô châ mơdêk tâ nếo, tơxâng ƀă ki ai hlâu, ki pơxúa xuân môi tiah rơhêng vâ ƀă tơrŭm cheăng tơrŭm tơrôa tơniăn lĕm pơla péa pâ tơnêi têa, malối cho tung kơvâ gâk kring, rak vế tơniăn pơlê pơla.