Kố cho tơdroăng cheăng drêng koh tơbâ 80 hơnăm Kăch măng Khế 8 (19/8/1945 – 19/8/2025) ƀă 135 hơnăm Hâi kot mâ Pôa Hồ Chí Minh-Kăn xiâm hnê ngăn tơnêi têa hneăng apoăng (19/5/1890-19/5/2025). Ai 33 ngế đảng viên rơxông nếo ki rơkê kơhnâ lo ing mâu tơring, pơlê kong krâm, pơlê kong kân ƀă mâu khu pơkuâ ngăn Đoân Droh rơtăm tung lâp kong pơlê hiăng châ kơdeăn khĕn a roh kố. Kố pơrá cho mâu ngế ki rơkê kơhnâ tung hên kơvâ cheăng, môi tiah hriâm tâp-hriăn plĕng khoa hok, mơnhông pêi cheăng kâ-tăng mơjiâng tơdroăng cheăng, hnoăng cheăng đoân-hô̆i, kring vế tơnêi têa-gak ngăn pơlê pơla, mơjiâng thôn pơlê nêó ƀă rak vế ngăn tơnêi tíu-hyôh kong prâi.

Tơdroăng cheăng kơdeăn khĕn đảng viên rơxông nếo rơkê kơhnâ cho roh ki Khu hnê ngăn Đoân Droh rơtăm kong pơlê Dak Lak pơtối mơhnhôk hiâm mơno ki pleăng dêi hnoăng cheăng, tuăn mơno ki kâi chân, khên tơnôu kơdo mơ-eăm tung đoân viên, droh rơtăm; veăng gum mơjiâng khu râ Đoân Droh rơtăm krá rơdêi, pơtối mơdêk hnoăng cheăng tung rơxông nếo tung hneăng mơjiâng ƀă kring vế, gak ngăn Tơnêi têa. Mơjiâng Dak Lak rế hía rế mơnhông, hloh hlê rơkê plĕng, tro tiô chal nếo.