Mơhé kơxô̆ tâk 1,7% tâng pơchông ƀă hơnăm 2023, laga Dak Lak xuân ối tung khu kong pơlê ai điêm tơ’noăng tơdâng iâ má môi lâp tơnêi têa. Ki nhên, điêm tơdâng mâu môn tơ’noăng dêi kong pơlê Dak Lak châ 6,194 điêm, ối má 61/63 kong pơlê, pơlê kong kơdrâm.

Kố xuân cho hơnăm má 3 pơtối kong pơlê a khu má mơ’nui ƀảng xếp hăng điêm tơ’noăng mơgêi râ má pái phôh thong. Tối ‘na xiâm kối kố, môi kăn pơkuâ Khu pơkuâ hnê hriâm ƀă Hnê mơjiâng tuăn ngôa rơkê kong pơlê Dak Lak tối, tơdroăng hnê ƀă hriâm tung lâp kong pơlê nôkố ối hên tơdroăng ki kơdroh. Mâu hngêi trung tá hâi kơtăng tung tơdroăng lăm ngăn, séa ngăn, mơnhên tơdroăng hriâm tâp, hbrâ ăm hneăng tơ’noăng mơgêi râ má pái xuân pro tơdroăng tơ’noăng tá hâi châ môi tiah pói vâ.