Tung 6 khế apoăng hơnăm, tơdroăng cheăng kâ - rêh ối dêi kong pơlê Dak Lak pơtối rak ti mê ƀă mơnhông tơƀrê. Tâi tâng mâu pơkâ pêi ki ai kơlo tâk  hên, mơhnhôk tăng liăn ‘no pêi cheăng tung lâp pơlê pơla, tâi tâng kơxô̆ liăn châ xo ing tê tơmeăm ăm kong têa ê, tâi tâng kơxô̆ liăn châ xo ing ôm hyô tâk tâng vâ pơchông ƀă hơnăm nah. Tâi tâng kơxô̆ liăn ngân xo nâp ăm hngêi rak liăn tơnêi têa châ lối 60,8%  tiô tối hdrối dêi Tíu xiâm tơnêi têa ƀă lối 50% tiô tối hdrối dêi Hô̆i đong kong pơlê pơcháu, tâk 8,8% tâng vâ pơchông ƀă hơnăm nah.

Tiô mâu kăn, ƀă kơlo pơkâ tâk ‘na cheăng kâ dêi kong pơlê Dak Lak sap 6 - 6,8% tung hơnăm 2024, tơdroăng cheăng ki u ối tung 6 khế mơ’nui hơnăm hngăm hngo ‘nâng. Vâ pêi ai tiô tơdroăng pơkâ tâk, mê pái tơdroăng ki xiâm cheăng kâ cho pêi chiâk, loăng kong, ká xi xŏng; kơmăi kơmok mơjiâng pro; tê mơdró, ‘na mơdró mơnhông tơƀrê tro tiô troăng rơhlâ ƀă tăng tơmeăm ai hlâu vâ mơnhông cheăng ăm tơtro ƀă tơdroăng ki ai khât a kong pơlê.