Dak Lak rĕng mơnhông tơdroăng pêt kong
Thứ tư, 14:00, 17/07/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơvâ rak ngăn loăng kong dêi kong pơlê Dak Lak dế tơkŭm mơdêk rĕng pêt kong tung rơnó mêi ƀă pơkâ pêt nếo 1.800 ha kong.
Tung hơnăm 2024, kong pơlê Dak Lak ai pơkâ pêt 1.817ha kong tơkŭm ƀă 200.000 xiâm loăng tơprâ. Mâu loăng châ pêt mê cho: loăng kía prăng, kơpeăng, loăng hré, loăng hliâ trĭng, karê prăng ƀă loăng keo vâ xo loăng pro tơmeăm.
Tơdroăng pêt kong châ tơbleăng pêt apoăng khế 5, drêng pơxiâm mot tung rơnó mêi. Tiô Khu ngăn loăng kong Dak Lak, kơ’nâi 2 khế tơbleăng, mâu kong pơlê ƀă mâu ngế pơkuâ rak kong hiăng pêi châ 1/3 tơdroăng pơkâ, pêt châ dâng 600 ha kong tơkŭm ƀă lối 15.000 xiâm loăng utâi utá. Ƀă tơdroăng rĕng pêt mê, pơkâ pêt kong ƀă pêt loăng utâi utá kô châ luât tơdroăng pơkâ.
Viết bình luận