Tung 6 khế apoăng hơnăm 2024, Viƀan kong pơlê Dak Lak hiăng tơbleăng Hô̆i đong kong pơlê tơbleăng 18 Pơkâ pêi pro ƀă 31 pơkâ mơ-éa luât. Nôkố tâi tâng 19 kơvâ pro mơ-éa ối tung hnoăng tơleăng dêi 19 tíu cheăng, khu cheăng, kơvâ cheăng châ tơdah ƀă mơdrếo tơdroăng châ tơƀrê a Tíu xiâm pro mơ-éa kong pơlê. Pakĭng mâu tơdroăng châ tơƀrê, tơdroăng pơhlêh pro mơ-éa a Dak Lak xuân ối ai mâu tơdroăng ki pá puât.

Tiô pôa Nguyễn Tuấn Hà, Kăn phŏ hnê mơhno má môi Viƀan kong pơlê Dak Lak, vâ pơtối mơdêk tơdroăng ki môi tuăn dêi kuăn pơlê, khu tơrŭm cheăng ƀă tơdroăng tơdah pêi cheăng dêi kơ koan pơkuâ tơnêi têa, mâu tơring kal pơtối mơdêk hlê plĕng tung pêi cheăng, hiâm mơno tơdah pêi cheăng ƀă kuăn pơlê dêi kăn ƀô̆, kŏng chưk tung pêi pro tơdroăng cheăng.