Tơdroăng xo rơkong tơpui dêi kuăn pơlê châ tơbleăng tung lâp lu troh mâu khu râ, kơvâ cheăng, kong pơlê; Vi ƀan Măt trâ̆n Tơnêi têa Việt Nam kong pơlê ƀă mâu khu tơrŭm cheăng; mâu khu ki rơkê plĕng, khu ki hriăn plĕng ‘na khoa hok; kăn ƀô̆, kong chưk, viên chưk, ngế pêi cheăng ƀă tâi tâng kuăn pơlê. Tơdroăng ki xiâm tung tơpui tối mê cho tâi tâng kơxop mơéa Pơkâ, tung mê tơkŭm tung mâu tơdroăng tiô tối hdrối ‘mâi pơhlêh, ‘mot tơ’nôm.

Tung pơla xo rơkong veăng tơpui tối dêi kuăn pơlê cho pơxiâm sap ing hâi lơ 15/5 ƀă mơgêi a hâi lơ 25/5. Kuăn pơlê chiâng vâ tơpui tối tơdrêng ing ứng dụng VNeID, Cổng thông tin điê̆n tưh Kuô̆k hô̆i, Chin phuh; lơ pơtroh mơ-éa troh ăm Vi ƀan hnê ngăn kong pơlê, Khu kăn Kuô̆k hô̆i kong pơlê ƀă Vi ƀan Măt trâ̆n Tơnêi têa Việt Nam kong pơlê. Râ tơring ƀă cheăm kô tơkŭm po mâu rôh hôp, tơpui tơno ƀă hên ki ê tơtro ƀă tơdroăng ki ai khât a cheăm pơlê.