Hneăng tơ’noăng hơnăm kố, kong pơlê Dak Nông ai 21 tíu tơ’noăng, 244 veăng tơ’noăng. Tung rôh tơ’noăng a peăng kơxo lơ 27/6,  ai 4 ngế hok tro ki tơviah châ gum chiân troh a veăng tơ’noăng xua tro tơklâm rơxế ƀă tamo.  Tung 3 ngế hok tro ki tơklâm rơxế  hdrối vâ troh hâi tơ’noăng xuân ối a tơring Dak Mil.

Mâu hok tro mê châ mâu kŏng an pin troh a veăng tơnoăng Môi ngế hok tro tơ’noăng a Hngêi trung râ má pái Hùng Vương, cheăm Quảng Phú, tơring Krông Nô tro lo kơtuâ ‘mêi hdrối hâi tơ’noăng châ ăm gá tơ’noăng veăng krê xêh a veăng ki hbrâ hdrối. Peăng kơxo, ai 7 rơpâu 577 ngế hok tro a Dak Nông tơ’noăng môn ngữ Văn. Môn ki apoăng tơ’noăng tơniăn ôh tá ai tơdroăng klâi. Ko ƀai tơ’noăng môn ngữ văn tơxâng ƀă ivá hriâm, chiâng pro vâ châ điêm hên .