Đảng ƀô̆ pơlê kong kơdrâm Plei Ku kong pơlê Gia Lai đi đo tơmâng hnê mơhno tro tiô kăn hnê ngăn Đảng kong pơlê Gia Lai, mơnhông cheăng ƀă kơmăi kơmok tiô túa nếo; ôh ta la lâi pơtê tơmâng mơnhông hnê hriâm, hnê mơjiâng tuăn ngôa rơkê, túa lĕm tro, rêh ối pơlê pơla, ‘na kring tơniăn cheăng lêng, mơjiâng tơdroăng cheăng kal kí krá rơdêi tung tŭm tơdroăng cheăng.

Kơnôm ing mê, Plei Ku hiăng mơhnhôk pêi luâ tơdroăng, chiâng pơlê kong kơdrâm túa má 1 dêi kong pơlê Gia Lai a hơnăm 2020. Troh mơ’nui hơnăm 2023, Plei Ku mơhnhôk tơƀrê cheăng kâ châ 10,66%, kơxô̆ liăn pê loi riân rêm ko mơngế 110 rơtuh liăn; tâi tâng liăn ngân tơnêi têa châ lối 1.700 rơtal  liăn. A rôh leh, Đảng ƀô̆ pơlê kong kơdrâm Plei Ku hiăng hâk tơngăm tơdah xo Mê dai pêi cheăng ối má Péa roh má péa xua Kăn xiâm hnê ngăn tơnêi têa diâp ăm.