Hâi lơ 21/6 kô diâp Pri Hlá tơbeăng Tơnêi têa rôh má 18
Thứ năm, 06:00, 20/06/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Pri Hlá tơbeăng rôh má 18 kô châ tơkŭm po a kơmăng hâi lơ 21/6 a Hà Nội. Kố ai 10 pri A, 26 pri B, 45 pri C ƀă 41 pri mơhnhôk châ diâp ăm mâu ngế ki chêh tơƀrê, rơkê.
Hơnăm kố, kơxô̆ ƀai chêh pơtroh tơbriât kâ pri mê ai 1.905 ƀai. Tung pơla châm a rôh mơ’nui châ pêi pro tro tiô Luât pơkâ ‘na pri ƀă luât pơkâ pêi cheăng, tơdroăng tâ phĭu dêi Hô̆i đong mơhá Pri.
Tíu ki nếo dêi leh mơhá Pri hơnăm kố châ tơkŭm po tiô troăng hơ’lêh nếo ‘na tơdroăng mơhá, túa pơ-eăng mâu ki chêh ai ƀai châ kâ pri, la xuân mơhno ki krip, ki pơxúa kal kí - pơlê pơla há, tơbleăng troh lâp lu tung khu chêh hlá tơbeăng ƀă tâi tâng pơlê pơla; ai pơxúa tơkŭm, tơrŭm hên ngế chêh hlá tơbeăng khu chêh hlá tơbeăng dế pêi cheăng tung mâu kơ koan chêh hlá tơbeăng ƀă râm râ Khu chêh Hlá tơbeăng tung lâp tơnêi têa.
Viết bình luận