Ƀă tâi tâng kơxô̆ liăn tŏng gum dâng 17 rơpâu 400 rơtal liăn, tung mê liăn chêl thiăn ‘mâi xĕn hngêi trăng tơnei tơníu dâng 8.280 rơtal liăn, peăng meăn pro krâ pơklêp tiô pơkâ BOT ƀă kơxô̆ liăn dâng 8.880 rơtal liăn. Lăm ngăn kơpong ‘mâi xĕn hngêi trăng ƀă tơdroăng tơkêa bro, pôa Phạm Minh Chính, Ngế pro xiâm hnê ngăn tơnêi têa tối nhên cho troăng kâ xiâm, ai pơxúa, tơdjêp pơla Tây Nguyên, Đông Nam Bộ, plông tơƀai Long Thành ƀă hên troăng kân tơdrăng lĕm, kơno têa kơxĭ...
Ngế pro xiâm hnê ngăn tơnêi têa pơkâ 2 kong pơlê Bình Dương, Bình phước tơrŭm krá ƀă dêi rơpó, kum dêi rơpó vâ rĕng pro troăng kân mê, tung mê ai troăng ki tơkâ luâ kong pơlê Bình Phước bú 7 km tiô tơnêi têa ‘no liăn pro thâ rĕng tơbleăng pro, vâ rĕng kêi. Tung pơla mơjiâng pro, khu xiâm mơjiâng pro, pro tơ’lêi hlâu ăm mâu khu mơdró kong pơlê pro xiâm vâ rĕng pro tơdroăng tơkêa mê, hlối kum kuăn pơlê ai cheăng pêi hlối kum mâu khu mơdró kong pơlê xông tơƀrê vâ pêi mâu tơdroăng tơkêa pro ki kân.
Viết bình luận