Kố cho roh má 2, po roh hôp pro môi tiah khât “Kuô̆k hô̆i vâi hdrêng”. Roh hôp pro môi tiah khât “Kuô̆k hô̆i vâi hdrêng” hơnăm kố veăng amê ai 306 kăn teăng mâ cho mâu vâi hdrêng đô̆i viên vâi hdrêng ki kơhnâ rơkê dêi 63 kong pơlê, pơlê kong kơdrâm tung lâp tơnêi têa. Mâu kăn teăng mâ châ rah xo ing Hô̆i đong vâi hdrêng mâu râ hiăng pêi pro hnoăng trâm mâ kuăn pơlê, tơmâng rơkong tơpui tối dêi kuăn pơlê ing pơlê pơla.
Veăng roh hôp pro môi tiah khât, vâi hdrêng châ pro kăn teăng mâ Kuô̆k hô̆i ƀă mâu kăn pơkuâ ki xiâm dêi Kuô̆k hô̆i, Chin phuh veăng Roh hôp dêi Kuô̆k hô̆i vâ tơpui ‘na 2 tơdroăng pơxá: Hbrâ mơdât pâm xiăn tung hngêi trung hriâm” ƀă “Hbrâ mơdât ki ‘mêi dêi hât, trếo ki pro chiâng pôu, ki má lối cho tung hngêi trung hriâm”. Rơtế ƀă roh tơpui tơno a kơxê kố, xuân tơkŭm po roh kơ-êng ki pro môi tiah khât ‘na 2 tơdroăng pơxá kố a Hngêi hôp kân Diên Hồng a hngêi Kuô̆k hô̆i tơkŭm po kơxo ah (29/09), kô ai tơdroăng ki veăng dêi pôa Trần Thanh Mẫn, Kăn xiâm hnê ngăn Kuô̆k hô̆i ƀă khu râ kăn pơkuâ mâu Khu xiâm, khu cheăng, kơvâ cheăng.
Viết bình luận