Thươ̆ng tươ̆ng Trịnh Văn Quyết, Kăn hnê ngăn Tíu xiâm Đảng, Ngế pơkuâ Xiâm kal kí dêi mâu lêng kuăn pơlê Việt Nam - Ngế pơkuâ khu kăn séa ngăn ăm ‘nâi, Khu kăn séa ngăn tơkŭm a mâu tơdroăng, mê cho: Hơ’lêh nếo, troăng hơlâ ƀă mơnhông tơƀrê tơdroăng cheăng hnê hriâm tơdroăng kal kí tuăn mơno ăm mâu kăn ƀô̆, đảng viên, đoân viên, hô̆i viên; tơdroăng hnê khĕn, hnoăng cheăng pêi tơná, mơhno troăng ahdrối.

Klêi mê, tơdroăng pêi pro tiô pơkâ tơkŭm po ƀă rêh ối dêi Đảng, malối luât pơkâ tơkŭm pêi pro tro tiô tuăn kuăn pơlê; tơdroăng ‘mâi hơ’lêh cheăng, séa ngăn hnoăng pơkuâ pêi ƀă hbrâ mơdât tơdroăng ôh tá tro tung kăn ƀô̆; tơdroăng pêi pro tiô troăng mơhnhôk, kring vế kăn ƀô̆ ki rơkê, hriăn plĕng ki nếo xua vâ pro pơxúa tơdjuôm; tơdroăng plâ mơdât mâu ki kâ kơluâ, pro ôh tá tro.