Tơpui tối a roh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối nhên Kuô̆k hô̆i hneăng má XV hiăng tơkŭm po mâu hneăng hôp, tơpui tơno, tơdroăng hôp ai tơdroăng ki troh lâp lu tung pơlê pơla, châ kuăn pơlê rơhêng vâ ‘nâi plĕng. Hneăng hôp tơpui tơno roh kố cho tơdroăng ki tơtro vâ mơdêk tơdroăng séa ngăn dêi Kuô̆k hô̆i, tro ƀă tơdroăng cheăng dêi Kuô̆k hô̆i cho mơjiâng luât, séa mơnhên râ xiâm ƀă pơkâ mâu tơdroăng ki kal dêi tơnêi têa.

Kăn xiâm hnê ngăn Kuô̆k hô̆i tối nhên tơdroăng hbrâ thế inhên, tơtro ƀă tơdroăng nôkố dêi mâu kơ koan dêi Kuô̆k hô̆i; pơkâ tơdroăng ki kân, kơpong rơdâ, djâ tơdroăng ki tâi tâng, tơkŭm tâi, tung mê tơdroăng pơxá tơdroăng xiâm dêi Hneăng hôp tơpui tơno xuân kal châ tơmiêt inhên, tơno nhên, tơkŭm mâu tơdroăng ki xiâm kal tơleăng. Hneăng hôp tơpui tơno thế pơkâ inhên, ai kơnâ tung tơdroăng séa ngăn; rak tơniăn tơdroăng nôkố, chiâng pêi pro dêi mâu troăng pêi cho vâ mơnhông cheăng kâ - rêh ối pơlê pơla dêi tơnêi têa.