*Ki hên mâu long rơchoâ hiăng tơ’nhiê ó xua rơchoâ tro mot têa, tơ’nhiê rơchoâ, tơ’nhiê hơnâng têa pêng plế, rơheăng, tơ’hneăng ƀă hên ki ê. Tâi tâng kơxô̆ liăn ‘no ki vâ ‘mêng rơnêu 115 to long rơchoâ têa ki tơ’nhiê kố lối 820 rơtal liăn.

UM:Lăm ngăn kơlo tơniăn dêi mâu long rơchoâ têa

Tung mê, kơxô̆ liăn hiăng châ axoăng ăm tơdroăng ki ‘mêng rơnêu ƀă 12 to long rơchoâ tung hơnăm 2024 vâ chê 56 rơtal; kơxô̆ liăn tiô tối hdrối kal vâ ‘mêng rơnêu ăm 103 tong rơchoâ la tá hâi ai liăn cho lối 760 rơtal. Vâ rak vế tơniăn tung pơla kố, mâu kơ koan ki ai tơdjâk troh hiăng pơkâ thế pôi tá ‘măn hên têa a mâu long rơchoâ ki mơni kô ôh tá tơniăn.

*Hdrối tơdroăng kong prâi pro ôh tá tơniăn, kong pơlê Dak Nông dế tơkŭm po khu râ kăn lăm séa ngăn long rơchôa hno têa vâ ai troăng hbrâ ví.

Laga, tơdroăng ki tô tuăn má môi cho lâp kong pơlê bu ai 30/256 long rơchôa hno têa ƀă pêi pro troăng hbrâ mơdât ki thâ. Kơvâ cheăng kong pơlê mơnhên ai 81 tơmeăm tơ’nhê, tung mê 24 tơmeăm tơ’nhê ó, tơ’lêi vâ tơ’nhê. Mâu tơmeăm kố dế tơhnâp tâi tâng a tíu ki peăng a ngiâ ƀă peăng kơ’nâi; peăng a ngiâ tá hâi châ pro krá ƀă ƀêtông lơ châ pro krá laga hiăng tơ’nhê râ ó; hên tơmeăm mơ’no têa plế lo pakong. Kong pơlê Dak Nông xuân dế kal tơdroăng tơmâng tŏng kum dêi Tơnêi têa vâ rĕng ai troăng hbrâ ví thâ, rơnêu tơmeăm ki tơ’nhê.