Laga, tơdroăng ki tô tuăn má môi cho lâp kong pơlê bu ai 30/256 long rơchôa hno têa ƀă pêi pro troăng hbrâ mơdât ki thâ. Kơvâ cheăng kong pơlê mơnhên ai 81 tơmeăm tơ’nhê, tung mê 24 tơmeăm tơ’nhê ó, tơ’lêi vâ tơ’nhê.

Mâu tơmeăm kố dế tơhnâp tâi tâng a tíu ki peăng a ngiâ ƀă peăng kơ’nâi; peăng a ngiâ tá hâi châ pro krá ƀă ƀêtông lơ châ pro krá laga hiăng tơ’nhê râ ó; hên tơmeăm mơ’no têa plế lo pakong. Kong pơlê Dak Nông xuân dế kal tơdroăng tơmâng tŏng kum dêi Tơnêi têa vâ rĕng ai troăng hbrâ ví thâ, rơnêu tơmeăm ki tơ’nhê.