Xông tơpui hnê mơhno, mơgêi Hneăng hôp, pôa Lương Cường, Kăn cheăng tung Khu xiâm kal kí, Khu hnê mơhno má môi Khu pơkuâ hnê ngăn cheăng Đảng pơkâ po rơdâ pêi pro Pơkâ kơxô̆ 144 ƀă Pơkâ kơxô̆ 25 kơtăng, châ tơƀrê, pro tơdroăng pơhlêh nhên ‘na hlê plĕng ƀă pêi pro tung tâi tâng Đảng, tơdroăng cheăng kal kí, mơdêk tơdroăng môi tuăn tung pơkâ ƀă kuăn pơlê.

Tung mê, ƀă Pơkâ kơxô̆ 144, rêm khu râ kăn pơkuâ hnê ngăn cheăng Đảng, khu tơrŭm cheăng Đảng, kăn ƀô̆, đảng viên kal đi đo hlê plĕng ‘na ki kal dêi Pơkâ, ‘nâi nhên, hlê plĕng trâu Pơkâ; tơtrŏng tơdroăng cheăng, hnoăng cheăng dêi chi ƀô̆, chi ủy, ki má lối cho ngế ối a ko khu râ kăn pơkuâ hnê ngăn cheăng Đảng tung tơdroăng hlê plĕng, tơkŭm po pêi pro Pơkâ; rêm ngế kăn ƀô̆, đảng viên thế hriâm xêh, mơ-eăm, pơtâp dêi châ “séa ngăn dêi tơná”, “pât rơnêu dêi tơná’’ tiô tơtro hiâm mơno kăch măng.