Hneăng tơ’noăng mơgêi râ má pái phôh thong hơnăm 2024 châ tơkŭm po tơniăn môi tiah hneăng hơnăm 2020 – 2023. Tâi tâng kơxô̆ hok tro kĭ veăng tơ’noăng hơnăm kố châ lối 1 rơtuh 71 rơpâu ngế hok tro, tâk lối 45 rơpâu ngế hok tro tâng pơchông ƀă hơnăm nah.
Xông tơpui mơgêi a roh hôp, pôa Phạm Ngọc Thưởng, Kăn xiâm phŏ Khu pơkuâ hnê hriâm ƀă Hnê mơjiâng tuăn ngôa rơkê, Kăn pơkuâ hnê mơhno râ tơnêi têa Hneăng tơ’noăng mơgêi râ má pái phôh thong hơnăm 2024 pơkâ thế Khu hnê mơhno mâu kong pơlê, pơlê kong kơdrâm pơtối hlê plĕng, pêi pro inhên pơkâ 15 dêi Ngế pro xiâm hnê ngăn Chin phuh ‘na thăm hnê mơhno, tơrŭm tơkŭm po Hneăng tơ’noăng mơgêi râ má pái phôh thong ƀă rah xo hok tro mot đăi hok, hnê cheăng pêi hơnăm 2024.
Hiâm mơno tơdjuôm cho ôh tá tơngôu ƀă pro tơ’lêi hlâu lĕm má môi ăm hok tro, nôu pâ hok tro, ôh tá lôi hok tro ki lâi pơtê tơ’noăng xua tơdroăng rêh ối pá puât; tơniăn păng ‘nâng, tơtro; tơleăng teăm tơdrêng mâu tơdroăng ki nếo, mâu tơdroăng ki kơdrâ; khŏm ôh tá ăm hok tro djâ phôn râng kŏng, tơmeăm ki tơpui mot tung kơbong tơ’noăng.
Viết bình luận