Mê cho, tiô pơkâ mơ’nui kơxô̆ 1612/ KL-TU  dêi Vi ƀan pơkuâ ngăn Đảng kong pơlê Gia Lai, jâ Nguyễn Thị Thanh Lịch - Cheăng  tung Đảng kong pơlê, Phŏ pơkuâ ngăn mâu Đảng, Phŏ hnê ngăn Vi ƀan kuăn pơlê kô pơkuâ tâi tơdroăng cheăng dêi kơ koan mê sap hâi lơ 6/6. Hdrối mê, mơ’nui khế 5/2024, pôa Trương Hải Long, Kăn phŏ hnê ngăn Đảng kong pơlê, Kăn hnê ngăn Vi ƀan kong pơlê Gia Lai châ Tíu xiâm xéa ngăn, rah xo pro Ngế pro xiâm phŏ Ngăn tơdroăng cheăng.

Jâ Nguyễn Thị Thanh Lịch, 48 hơnăm hriâm kơvâ pro ƀok thái pơkeăng, hriâm thak sih. Jâ châ Hô̆i đong kong pơlê Gia Lai prôk pro Kăn phŏ hnê ngăn Vi ƀan kuăn pơlê kong pơlê Gia Lai hơnăm 2020. A Vi ƀan kuăn pơlê kong pơlê Gia Lai, tơdrêng ƀă jâ Nguyễn Thị Thanh Lịch  nôkố ối ai 3 phŏ hnê ngăn cho mau pôa: Nguyễn Hữu Quế, Dương Mah Tiệp ƀă Nguyễn Tuấn Anh.