Jâ Phạm Thị Thanh Trà, ngế xiâm ngăn kong pơlê hnoăng cheăng dêi mâu kăn ƀô̆ ăm ‘nâi, Việt Nam cho tơnêi têa ki a hên tơdroăng lo tĭng tiô khôp, ƀă 16 tơdroăng khôp, 26 khu tơrŭm ngăn ‘na tơdroăng khôp, 24 rơtuh ngế ki tiô khôp, châ 27% pơ’leăng mâ mơngế; tung mê, kuăn pơlê tiô khôp Pâ Xeăng cho 7 rơtuh ngế.

Mâu tơdroăng lo tĭng khôp ƀă mâu ngế ki tiô khôp tơrŭm, rơtế prôk ƀă kuăn pơlê hdroâng kuăn ngo tung pơla tơplâ tơleăng lĕm hdroâng mơngế xuân môi tiah tung tơdroăng cheăng hơ’lêh nếo, hơ’lêh xúa kơmăi kơmok nôkố. Jâ Phạm Thị Thanh Trà tối nhên, ƀă hnoăng cheăng pôu râng cho kơ koan pơkuâ ngăn tơnêi têa ‘na loi tĭng tiô khôp, Khu xiâm ngăn kong pơlê, hnoăng cheăng mâu kăn ƀô̆ kô pơtối tơmâng ngăn, tơrŭm ƀă Hô̆i đong Giám mục Việt Nam, pro tơ’lêi hlâu vâ Teăng mâ dê Hngêi pâ Xeăng kân a Việt Nam pơkuâ ‘na tơdroăng khôp ƀă pêi pro mâu tơdroăng ki pơkuâ a Việt Nam.

Ƀok xối kân Paul Richard Gallagher - Di cho Ngế xiâm tơpui kâ Hngêi khôp Pâ Xeăng kân loi mâu kuăn pơlê ki tiô khôp Việt Nam kô ai hên tơdroăng veăng kum hên tâ nếo tung tơdroăng mơnhông tơnêi têa Việt Nam. Tơdrêng amê hlối tơngah, ƀă tơdroăng ki ai mâ dêi kăn teăng mâ apoăng dêi Hngêi khôp Pâ Xeăng kân a Việt Nam, tơdroăng tơrŭm pơla Hngêi pâ Xeăng kân Việt Nam pơtối pêi châ tơƀrê mâu tơdroăng mơnhông ki kal.