Klêi tâng mâu kăn Vi ƀan tơring Dương Minh Châu tối ‘na tơdroăng cheăng kâ rêh ối tung tơring tung hơnăm kố hía nah, jâ Võ Thị Ánh Xuân, Kăn xiâm hnê ngăn tơnêi têa ki pơtân tối Tây Ninh cho kong pơlê ai tơnêi tíu, kal ‘na cheăng kâ-rêh ối ƀă kring tơniăn ‘na lêng.

Jâ  Võ Thị Ánh Xuân, Kăn xiâm hnê ngăn tơnêi têa ki pơtân pơkâ thế, tung la ngiâ, Tây Ninh xúa hên tơmeăm ai hlâu, ki rơdêi ‘na cheăng ƀă kơmăi kơmok, pêi chiâk xúa kơmăi ki dâi lĕm, mơdêk tơrŭm ôm hyô ƀă mâu kong pơlê ki ê tung kơpong, pro xiâm vâ mơnhông tơƀrê tung la ngiâ. Rôh kố jâ Võ Thị Ánh Xuân, Kăn xiâm hnê ngăn tơnêi têa ki pơtân hiăng diâp ăm 200 rơtuh liăn ăm Liăn ‘măn kơdĭng kum vâi hdrêng kong pơlê Tây Ninh; diâp 20 kơxu tơmeăm ăm mâu rơpŏng ai hnoăng tơnêi têa ki kơtiê, 15 kơxu tơmeăm ăm mâu rơpŏng kơtiê xơpá ƀă 20 kơxu tơmeăm  ăm vâi hdrê kơtiê xơpá tung tơring Dương Minh Châu.