Tơbleăng a rôh trâm mâ, jâ Võ Thị Ánh Xuân - Kăn xiâm phŏ hnê ngăn tơnêi têa pơkâ thế tung pơla hyôh kong prâi hơ’lêh rế ton rế tâk ƀă ó tâ, kăn hnê ngăn kong pơlê An Giang thế ai mâu pơkâ ton hơnăm, ƀă tơdroăng pêi inhên vâ tăng ‘nâi rôh ki tơ’lêi, xúa ki rơdêi vâ mơdêk tơƀrê, mơnhông tâi tâng.

Kong pơlê thế hbrâ hdrối mâu tơmeăm khoăng, kuăn mơngế dêi kong pơlê, hlối tơrŭm ƀă dêi rơpó veăng môi tuăn ƀă kuăn pơlê vâ pêi tơƀrê tơdroăng cheăng kâ rêh ối. Ƀă mâu tơdroăng ki kân, luâ hnoăng pơkuâ thế mơdoh tăng hên ing xiâm tơnêi têa xuân môi tiah xiâm tŏng kum tung pơlê pơla vâ pê klêi tiô tơdroăng pơkâ. Rôh kố, jâ Võ Thị Ánh Xuân - Kăn xiâm phŏ hnê ngăn tơnêi têa rơtế ƀă mâu kăn Kuô̆k hô̆i kong pơlê An Giang ƀă Khu ai tuăn hơ-ui hiăng gum pro 100 toăng hngêi Tơrŭm tuăn ăm kuăn pơlê kơtiê tung kong pơlê An Giang.